MIDDLE EAST HISTORY POLITICS CULTURE XI-XII Middle East | Page 117
Հաշվի առնելով վերոնշյալը՝ հստակ երևում է, որ աս-Սիսին
արգելում էր սալաֆիական գաղափարախոսների գրքերը՝ դրանով իսկ
ձգտելով արմատախիլ անել ծայրահեղականությունը:
Հագուստի «հարցը»
Փոփոխությունների ալիքը սակայն այսքանով չդադարեց: Այն
աստիճանաբար տարածվեց նաև առավել կենցաղային տիրույթ,
ինչպիսին հանդերձանքն է:
Մուսուլմանական երկրներում մարդու հանդերձանքը կարող է
արտացոլել նրա սոցիալական, մշակութային, կրոնական և քաղաքա-
կան հայացքները: Դարեր շարունակ մուսուլմանները հիմնականում
կրել են երկար և լայն հագուստ: Կանայք ավանդաբար կրում են երկար
սև լայն զգեստ՝ աբայա և գլխաշոր՝ հիջաբ, իսկ տղամարդիկ դիշդաշա՝
երկար սպիտակ հանդերձ: Վերջինը տարածված է հատկապես Ծոցի
արաբական երկրներում: Եգիպտոսում կանանց մեծամասնությունր
կրում է ավանդական հիջաբը, տարածված է նաև հագուստի մեկ այլ
տեսակը՝ նիկաբը, որը հիմնականում կրում են ավելի պահպանո-
ղական հայացքի տեր կանայք:
Փաստորեն փոփոխութունների այս ալիքը կամաց-կամաց
սկսում է մտնել կյանքի բոլոր ոլորտները: 2015 թ. մայիս ամսին Եգիպ-
տոսում մեծ աղմուկ բարձրացրեց շեյխ Զայեդ թաղամասի ռեստորան-
ներից մեկում պատահած միջադեպը, երբ ռեստորանի աշխատակիցը
արգելել էր սաուդցի տղամարդուն մտնել ռեստորան, քանի որ վերջինս
կրում էր ավանդական սաուդական երկար սպիտակ շոր՝ դիշդաշա:
Միջադեպը տեսանկարահանվել և տեղադրվել էր «ՅուԹուբ» կայքում 26 :
Միջադեպին անմիջապես արձագանքել էր Եգիպոսի զբոսաշրջության
նախարար Խալեդ Աբբաս Ռամին, ով անձամբ հանդիպել և ներո-
ղություն է խնդրել սաուդցի զբոսաշրջիկից, իսկ ռեստորանը մեկ ամսով
փակվել էր 27 : «Ալ-Վատան» թերթին տված իր հարցազրույցում նախա-
րարը նշել էր, որ իրենք դեմ են ցանկացած տեսակի խտրականության՝
լինի դա կրոնական, ռասայական, թե հագուստի հետ կապված, և
կառավարությունը անհապաղ ք