Mi primera publicacion Catálogo de Pensar coas mans | Page 521

519
SILVEREIRA
Silvereira é unha firma artesanal de xoiería reali-
zada basicamente en prata e en madeira afincada
en Compostela. O traballo manual combínase con
novas técnicas como o corte por láser. Nos seus
deseños e creacións evidénciase a influencia da
xoiería e da ourivería galegas e compostelás. A
súa homenaxe ao acibeche ou á filigrana, así como
a algunhas tipoloxías tan significativas como o
tradicional sapo, conxugan presente e pasado nuns
produtos xoieiros que se difundiron amplamente
no mercado.
ZIMZELATUM
É unha firma de xoiería artesá que traballa con
prata, cobre, alpaca, latón normalmente en chapa.
As súas pezas decóranse con técnicas de cicelado,
batido, picado... Incorporan a técnica de micro-
fusión (utilízanse pequenos moldes de cera para
poder reproducir o metal) e os seus acabados
son volumétricos, lisos, puídos e crús. Tamén
realizan pezas con acabados mates e patinados, e
coleccións con pedras semipreciosas. Algúns dos
seus obxectos son pezas decorativas en forma de
pequenos recipientes ou bandexas, retomando
os usos do pasado da xoiería como contedor ou
obxecto decorativo.