Mi primera publicacion Catálogo de Pensar coas mans | Page 509
507
obxectos cheos de vida. O proceso é enteiramente
artesanal. Algunhas pezas son feitas por torno de
oleiro en diferentes arxilas. Outras pezas de gres
e louza son reproducidas por moldes de xeso».
Realmente esta parella de artesáns encarna a
figura do maker contemporáneo, pois controlan
todo o proceso ao redor das súas creacións como a
produción, a fotografía, a mensaxe, a comunicación
e redes sociais. As súas obras que nos evoquen paz
e harmonía, que conecten coa natureza e formen
parte dun estilo de vida. Participan en feiras nacio-
nais e internacionais tan prestixiosas como Maison
& Object de París.
MÁGICOS GAGARÍN
Desde o seu taller en San Cristovo de Cea, Iris
Branco é unha moza artesá que do mesmo xeito
que noutros casos de artesáns contemporáneos,
tivo unha formación académica en Belas Artes.
Sen dúbida, iso incide con claridade na concepción
plástica das súas pezas e tamén nos relatos que
nos quere contar cando as vemos. Segundo ela
mesma define a súa produción: «exporto creacións
do meu universo interior desde que son consciente.
Busco sentidos, reencontros comigo mesma e
invento contos que traballa con cerámicas esmalta-
das e en ocasións con pintura ao óleo para rematar
as súas pezas». En pezas como os seus corazóns
sonoros, delicados e rotundos á vez, preséntanos á
vez caixas de música e forma de corazón, a poética
dese relato tórnase tanxible e envólvenos con
matices que apelan aos nosos sentidos.
VERÓNICA MOAR
Verónica Moar é unha ceramista coruñesa cuxo
traballo parte dunha cerámica utilitaria concibida
para hostalería chea de sutileza, matices e esen-
cialidade a unha etapa de creación artística na que
experimenta coas posibilidades da cerámica no
terreo artístico e que a levan a dialogar co contexto
natural e a tradición ou a etnografía. Ela mesma
afirma que no seu traballo hai un matiz poético e
narrativo, nas que sempre existe un relato. Chega
de forma máis ou menos casual á cerámica, a
través dun taller da Escola de Arte e Superior
de Deseño Pablo Picasso, e, posteriormente, xa
inmersa nesta técnica e a súa materia amplía a
formación ata Xapón, da man dunha bolsa de
Artesanía de Galicia.
OJEA STUDIO
ojea é tamén o primeiro apelido da ceramista
e enxeñeira fundadora de ojea studio. Con só
catro anos xa era observadora e descubriu a arte da
cerámica. Comezou a asistir ao taller municipal de
cerámica da súa vila natal, Nigrán. Observando o
mar en movemento, as ondas, os barcos pesqueiros
e os guindastres do porto empezou a interesarse
pola física e a xeometría. Estudou enxeñería civil na
Coruña, París e Londres e traballou como enxeñeira
de estruturas en Nova York e Barcelona. Continuou
mirando ao redor cos ollos ben abertos e en 2015
fundou ojea studio, onde combina as súas dúas
paixóns, enxeñería e cerámica, para deseñar e crear
a súa obra. A contorna costeira do sur de Galicia
inspira os seus singulares deseños, que son realiza-
dos a man un por un de maneira que nunca dúas
pezas son idénticas.
NACHO PORTO
Nacho Porto leva varias décadas de produción
cerámica pero cunha continua procura de innova-
ción que o levou a aliarse coa tecnoloxía e o futuro
que se imaxina cando expón as súas creacións. As
súas pezas buscan unha utilidade que se adapte ás
novas necesidades dos consumidores, nos que xa
desde hai anos se evidencia a indisoluble relación
coa tecnoloxía, especialmente coa telefonía móbil.
Así os seus altofalantes amplificadores para
teléfonos xogan coa adaptación da cerámica a uns
usos nunca antes expostos: altofalante, pousa telé-
fonos, mans libres… arrincando paradoxalmente
da esencia dos obxectos máis primitivos como o
corno do animal. Todo iso podémolo apreciar nos
seus modelos maxfon, smart dog, pousafon...
Nestas creacións percíbese claramente os ecos
do surrealismo e ese compoñente lúdico, divertido
que se aprecia tanto nas formas como nos seus
acabados e decoracións pictóricas.
CERÁMICA REGAL
No ano 1982 Otero Regal, pon en funcionamento
o seu taller regal ceramica na ‘Porta da Vila’ de
Viveiro-Lugo, no norte de Galicia. Na actualidade
os talleres atópanse dentro do Complexo cultural e
museístico ‘regalxunqueira’ de Viveiro. O deseño é
a formulación fundamental á vez que a elaboración
artesanal tanto no referente á materia prima como
no carácter diferencial da súa produción. Toman
como base a olería popular e a arte do século xx
e optouse por traballar en alta temperatura 1300s
con materiais da zona: gres, porcelanas e refrac-
tarios, pintadas a man con pincel con deseños e
motivos propios. Influencias diversas mediterrá-
neas, románicas e étnicas únense a unha simplifi-
cación de volumes e motivos que dá orixe a unha
síntese creativa propia. Os motivos decorativos
optan por un concepto pictórico que sintetiza as
vangardas do século xx con marcadas influencias
en Picasso. A decoración realízase de forma mixta,
con pincel para definir a forma utilizando óxido de
cobalto e pinceis de caligrafía xaponesa, e óxido de