Mi primera publicacion Catálogo de Pensar coas mans | Page 507
505
LISTAXE DE ARTESÁNS, ARTESÁS E ARTISTAS
VICTOR ARES
Victor Ares é un ceramista coruñés premiado tanto
a nivel galego como internacional e que nas súas
obras sempre manexa unha linguaxe particular
nas que a influencia do surrealismo é evidente.
Tamén a memoria e conferir unha volta de porca
á tradición En obras como frío-quente, finalista do
Premio Artesanía de Galicia, 2016, móstranos un
prato que garda a calor e o frío do mesmo xeito que
as botellas de barro con auga quente para os pés
que a súa avoa metía na cama para quentar os pés.
Nas súas obras como Hoy comamos y bebamos, fai
unha alusión ao pan como un dos alimentos máis
antigos cociñados e ademais elaborábase e cocíase
utensilios cerámicos. Este ceramista coméntanos
que a presentación dos alimentos na nova gastro-
nomía é moi importante e os pratos e recipientes
que Víctor Ares nos presenta con forma e textura
de pan son unha homenaxe ao esencial, e en como
produtos como a sardiña o presentan nun humilde
anaco de pan.
LUCÍA CATUXO
Lucía Catuxo é unha ceramista lucense que define
as súas pezas como tranquilas. Na casa do Cura,
antiga reitoral Vilafernando, estableceu o seu taller
e tenda, o seu lugar de traballo pero tamén de vida,
de compartir formación e experiencias con colegas
e aprendices. O seu paso inicial por un taller de
cerámica en Sargadelos foi determinante para
elixir a cerámica, apartouse do proceso industrial
e deulles valor ás obras feitas á man. Ela define
as súas obras como tranquilas, sinxelas, para ser
agradables á vista e ao tacto, pero a creatividade
e plasticidade das súas pezas cerámicas amplían
esta definición e ademais tamén cabe a expe-
rimentación, a influencia consciente do mundo
oriental e o coñecemento da olería galega.
CERÁMICA SUVE
Suso Dobao e Verónica Pérez levan dez anos utili-
zando a porcelana nas súas creacións cerámicas,
todo un reto pola dificultade do material que a
diferenza do resto das arxilas. A translucidez e
lixeireza deste material resulta clave para estes
dous artesáns cando abordan as súas creacións.
Os seus deseños enfócanse ao uso da hostalería
pero desvinculándose dos acabados industriais.
No proceso de traballo coa porcelana descubri-
ron que por mor da súa extrema finura as pezas
se deformaban no proceso de cocción, e desta
maneira converteron esas pequenas imperfec-
cións nos seus sinais de identidade. Esas torsións
conferíanlle beleza e sobre todo singularidade a
cada creación. Tal e como afirman ambos, a falta
de control fíxolles crecer e levounos a traballar as
pezas unha vez sacadas dos moldes, deformán-
doas e alterando os contornos por medio de cortes.
Utilizan as cores vermella e negra para as deco-
racións, sempre baixo unha cuberta transparente.
Esta redución cromática constitúe outro sinal de
identidade do seu traballo, así como unha clara
inspiración na cerámica xaponesa. Actualmente
están a incorporar vidrados opacos ampliando a
gama de cores. Levan deseñando vaixelas para
restaurantes de alta cociña e chefs tan recoñecidos
como Pepe Solla (Restaurante Casa Solla), Javier
Oleiros (Restaurante Culler de Pau), Xosé Cannas
(Restaurante Pepe Vieira) , Carme Ruscalleda
(Restaurante Moments) e Ramón Freixa.
COMOCUANDO
Comocuando está formado por Esther Quintas e
Pablo. Esther Quintas, licenciada en Belas Artes,
é a artesá que lles dá vida tanto a obras cerá-
micas como aos seus colgadores. Pezas como
estas lévannos ao territorio do xogo, da tenrura
e o recordo e converten en especial un obxecto
utilitario ligado ás formas humanas, ao territorio
da infancia. A presentación comercial das súas
pezas está moi coidada desde o punto de vista do
packaging e a difusión da súa marca.
LAURA DELGADO. CERÁMICA
Desde o seu taller en Cambre, Laura Delgado
traballa a cerámica para dirixila especialmente ao
mundo da hostalería e a restauración. Nas súas
pezas reflíctese a influencia oriental e xaponesa.
As súas formas e liñas son sinxelas e esenciais,
tal e como podemos comprobar no tratamento da
cor, os óxidos, os vidrados. En ocasións asómanse
formas animais nos seus recipientes que, ademais
de influencias exóticas ou locais, nos proporcionan
unha lectura divertida ao observalas.
MADRIGUERA WORKSHOP
Tal e como eles se definen, Madriguera
Workshop «é un taller creativo afincado en Galicia,
apaixonado polo deseño e a artesanía. O taller foi
fundado por Lydia de la Piñera y Luis Llamas en
2012, desde entón deseñan e elaboran pezas
únicas, artesanais e creativas. Somos creadores de