GROND TOT MOND
Deur Clifford Roberts | Foto’s: Michel Dei-Cont
Toerisme is vir baie plase onprakties en net nog iets
wat aandag verg; vir Bezalel in die Groen Kalahari is dit
egter ‘n noodsaaklikheid, skryf Clifford Roberts. Grootte
is relatief. Dit besef jy net weer wanneer jy in Upington
se wêreld kuier. Hier lyk alles net soveel groter – van die
grenslose blou lug wat die buig van die lang, plat hori-
son beklemtoon, tot die reuse wingerdplase, uitgestrek
oor eens-wilde woestyngronde. Dis maklik om te dink dat
grootte noodwendig ‘n uitvloeisel is van die ekonomiese
skaal wat ‘n onderneming nodig het om suksesvol te
wees. Dis nou tot jy ‘n plaas hier ontdek wat piepklein
in vergelyking met ander om hom is, maar wat steeds
vooruit boer. Dit is presies wat Bezalel Wyn- en Brandewyn-
landgoed op Dyasonsklip regkry.
MARKtoe! Junie 2018 39