LANDBOU
Oor Desembervakansies en langnaweke hou die kampeerterrein
die De Beers so besig dat Sybrie, sy vrou en dogters oortrek na die ter-
rein toe sodat hulle ‘n hand op alles kan hou. “Ons doen alles self,” sê hy.
Omdat die kampterrein so afgesonder is, word daar ook basiese krui-
deniersware aangehou, soos toiletpapier, wat die De Beers aan gaste
verkoop. Die kampterrein het 50 staanplekke terwyl ‘n chalet, die vier
enkelkamers, ‘n karavaan, en ‘n ou plaashuis sowat 25 beddens bied.
Die plaashuis, wat ses huisves, was die oorspronklike herehuis op die
landgoed en is sowat 200 jaar oud.
Oor Desembervakansies en langnaweke hou
die kampeerterrein die De Beers so besig dat
Sybrie, sy vrou en dogters oortrek na die terrein.
5.
So hoe kom mens van Boegoeberg te hore? Grotendeels deur
oorvertelling van mense wat reeds hier gekamp, of kom bly het. “Ons
adverteer ook in 4x4-tydskrifte,” sê Sybrie. Maar die meeste van hulle
reklame kom van mense wat viertrekvoertuie hier kom toets en later
artikels daaroor skryf of programme daaroor maak.
Terwyl ons die steil verweerde grondpad vanaf die kampterrein af
terugneem dorp se kant toe stop ons eers om van die merkwaardige
uitsigte af te neem. Ek dink weer dat ek nie graag met ‘n gewone voer-
tuig hierdie pad sou wou aandurf nie, maar tog kom besoekers volgens
Sybrie met allerlei rygoed hier aan. Dalk is die geleentheid om heelte-
mal van die beskawing te ontsnap te aanloklik om jou deur ‘n grondpad
te laat afsit.
Om meer uit te vind oor Boegoeberg se 4x4-roetes en akkommo-
dasie gaan na www.boegoeberg4x4.co.za.
6.
1. Rus en vrede is besoekers se voorland. 2. Van die uitsigte wat by Lambertshoek
volop is. 3. ‘n Gesellige vuurtjie verdryf die koue tydens ons gesprek met Sybrie de
Beer. 4. Een van die gewildste chalets by Boegoeberg. 5. Die dam en swembad sorg
vir pret in die somer. 6. Die Boegoeberg kampeerterrein is goed toegerus.