Magasin Magasini | Page 9

atuilerluni. Ikiaroornartulli inuunera ajornerussilerpaa.
- Aningaasaajaataaqaaq. Sussaarulluni aamma isumalunnaqaaq.
Ikiaroornartumik ujaarlerlunga illoqarfik ilaannikkut
kaajalukaartarsinnaasarpara. Atornerluisutut inuuninni piffissaq ajornerpaaq
eqqaamasara ikiaroortartuuninniippoq, Sofia oqarpoq.
Piffissap ingerlanera ikiaroornartup kisimi Sofia
eqqissisimatissinnaajunnaarpaa, taamaattorlu imertaleqqippoq. Maanna
imigassamut ikiaroornartumullu atornerluisunngorpoq.
– Niaqulaalersorisarnikooqaanga. Eqqarsartarnikuuvunga ”maannakkut
niaqulaalerpunga”. Aamma annersartittarnikuuvunga, taannalu
misigisartakkanni ajornerpaajuvoq, Sofia oqaluttuarpoq.
Annersartittarninilu pillugu katsorsartinnissaminut sukataalerpoq, ukiullu
30-it qaangerlugit atornerluereerluni ilukkut anniaatit aliasunnerillu
naammagilerlugit 2003-mi katsorsartippoq.

Imeq nillusaatilerlugu
– Katsorsartinnissannut akuerineqarama eqqissiallaqaanga, pissangallungalu.
Tassami sumut isilernerlunga nalugakku. Taamaammat naggammik
imersuataarpunga ikiaroorsuaarlungalu. Katsorsartinninni annilaangallunga
sajussuataartarpunga, qiajasoorujussuullungalu. Katsorsartikkiarama inuttut
pitsaasuunngilanga. Katsorsartinninnili misigissuseqarlunga paasiartulerakku
nuannaarpunga, Sofia oqarpoq.

Katsorsartinnermi kingorna imigassatortarunnaarpoq. Allaat imigassaq
pinnagu imerniartarfimmukarsinnaanngorpoq.
– Uanga Enok Poulsen nuannarisukuluugakku imerniartarfimmi
tusarnaartitsimmat isiginnaariarpara. Inuit imertaleqqissorigunarlunga
marsertorujussuupput. Kisianni imertuinnarpunga nillusaatilerlugit, Sofia
oqaluttuarpoq.

Imminut toqunneq
Sofia ukiut marluk imernikuunani ikiaroornikuunanilu alianartumik
pisoqarpoq, ernera 14-nik ukioqarluni imminormat. Sofia
aliasuttorujussuuvoq, misigissutsinili maanna oqaasinngortissinnaalernikuuai.
Taamaasisinnaanerlu inuunera allanngortinnikuuaa. Saaffissaqarnini
pissutigalugu, aliasuutit imigassamik ikiaroornartumillu maannakkut
matoorneqanngillat.
– Imigassamik ikiaroornartumillu atornerluinermik nappaat, nappaatiuvorlu,
ilaannikkut akioruminaassinnaasartoq. Kisianni nalunngilara
atornerluisunngoqqikkuma inuunera ajorteqqissasoq. Maanna ullut tamaasa
imminut ima oqarfigisarpunga, ”ullumikkut imissanngilanga. Naluara
aqagu susoqassanersoq, kisianni ullumikkut imernianngilanga”. Aqaguanilu
assinganik. Ullumi takorloorsinnaanngilara atornerluisunngoqqissallunga.
Silaqarpunga taannalu nuannerpoq, Sofia oqarpoq.
Apersugaq Sofiamik ateqavinngilaq. Aaqqissuisoqarfimmiit atia
ilisimaneqarpoq.

9