Magasin Magasini | Page 8
”Silaqarnissaq
ajornerpaavoq”
Sofia 58-inik ukiulik inuunermi affaa qaangerlugu imigassamik
ikiaroornartumillu atornerluisuuvoq. 47-nik ukioqarluni
katsorsartinnginnermi alianartunik aqqusaagarpassuaqarpoq.
All: Ivik Kristiansen
Ukiuni 33-ni atornerluineq aallartippoq
Sofia 26-inik ukioqarluni meeqqaminik toqusoorneq misigeqqaarpaa.
Ernera ataasiliinngajalersoq ikuallattoqarnerani 1982-mi toquvoq.
Taamanikkut qanoq iliussalluni nalornissutigaa, avatangiisiminilu aamma
tapersersorneqarpallaarnani.
Sofia meeraalluni kinguaassiuutitigut atornerlunneqarpoq. Misigissutsit
oqaluuserineqaraangamik ajornartorsiutit allisartut taamani ilikkarpai,
taamaammat inersimasuulluni misigissutsini oqaluuserinissai
sapernartittorujussuuai. Siullermik imigassaq 14-nik ukioqarluni
misileqqaarpaa, imigassaq sapernagu kammalaatiminut uppernarsarniarlugu.
Tassanngaanniillu imigassamik atuinera alliartorpoq.
– Taamanikkut avatangiisikka naalliunnangaartumik
isigisinnaarpasinnginnamik. Taava suli qiasunga nipangersarneqartarpunga.
Iluamik tusarnaarneqarnanga. Allaat inuit ima oqararaat, inuusoqigavit
nutaamik suli pisinnaavutit, Sofia oqarpoq.
Annilaanganini pisuusutullu misiginini qanorlu oqaasinngortissanerlugit
aamma nalornissutigai.
Misikkernerli inunninngaanniiginnanngilaq. Ernini ilisaammat
suliffimmininngaanniit aqaguani suliartoqquneqarpoq.
– Taamanikkut pissutsit taamaapput. Uninngaffeqarneq ajorpoq aamma
oqaloqateqartoqarneq ajorpoq. Firsikkunni taamaappoq, Sofia oqaluttuarpoq.
Ernerata toquneranut aliasunnera imigassamik matoorpaa, imigassamilli
atornerluinera tassani aallartinngilaq.
8
- Aliasuttupilussuunikuuvunga, taava imigassaq qasuersaarutitut
atortarnikuuara. Aamma alianartumik pisoqaraangat imigassamik
ikiaroornartumillu matoorniartarnikuuara. Silaqarnissara uannut
ajornerpaajunikuuvoq, Sofia oqarpoq.
Nalunikuunngikkaluarpaa atornerluisuulluni, katsorsartinnissaminillu ukiut
25-it matuma siornatigut qinnuteqaqqaarpoq. Katsorsartinnissarli nammineq
akilertussaaammat katsorsartinngilaq, akissaqannginneq peqqutigalugu.
Inuunera ajornerulerpoq
Sofia 31-nik ukioqarluni ikiaroornartumik pisalerpoq. Hashi
nakerisimanngikkaluarpaa, imigassarli pissutigalugu suliffimmininngaanniit
soraarsitaasarnikuugami inuit ikiaroortartut imigassamilluunniit attuinatik
malugisimaarpasittarmata imigassamut allaanermik qinigassaqalersorivoq,
taamaasillunilu ukiorpassuarni aalakoorunnaarpoq, ikiaroornartumilli