Entrepreneurskap
Word jou
eie baas!
Artikel: Flip Schutte
Mens hoef nie altyd ʼn splinternuwe idee vanuit die ruimte te pluk
om ʼn entrepreneursaak te begin nie. Jy kan bestaande idees gebruik,
dit dupliseer, dalk verbeter … en daar het jy ʼn onderneming!
D
it is nie so moeilik as wat dit klink om jou
eie ding te doen nie. Harde werk en ʼn wil
om te wen, is al wat jy nodig het om ʼn
entrepreneur te word.
Die meeste boeke oor entrepreneur
skap begin in hoofstuk een met die tema dat jy kreatief
en innoverend moet wees, want jy moet ʼn blink idee kry
of ʼn nuwe produk skep waarmee jy die mark kan verras.
Baie mense gee net daar en dan moed op want hulle kry
niks uitgedink wat nie reeds bestaan nie. Dan probeer
hulle nie eens verder nie en aanvaar net dat hulle nooit ʼn
eie onderneming sal kan begin nie.
As jy regtig nie iets nuuts kan uitdink nie, beskryf
die meeste handboeke drie alternatiewe roetes tot
entrepreneurskap. Hulle is die moontlikheid om by ʼn
familiebesigheid betrokke te raak, of om ʼn franchise
te koop, of om ʼn bestaande besigheid van ʼn ander
entrepreneur oor te koop. Die franchise-opsie word
beskou as die veiligste as gevolg van die ondersteuning
wat dit die franchisehouer bied, maar nie almal wat
graag ʼn onderneming wil begin, het die kapitaal om
ʼn franchise te koop, of om ʼn bestaande besigheid oor
te koop nie. Ons is ook nie