BESOEK
Vesting van kunsmusiek
vir die gemeenskap
“O
Artikel: Daleen Malan
Foto’s: Willem Vogel
ns is militant Eurosentries,” skerts
Willem Vogel wanneer hy gesels
oor die Brooklyn Teater, geleë in
Greenlyn Village, Menlopark, waar
daar sedert 2010 klassieke musiek en
ander stylvolle vermaak aangebied word.
Klassieke musiek wat nie deur die staat of die privaat
sektor geborg word nie, is ’n rare verskynsel. Dit is dus
geen wonder nie dat daar pas ’n meestersgraad voltooi
is oor die woelinge in die kunste oor die afgelope 22 jaar
deur die entrepreneurs Willem Vogel en Daniël Vos –
mede-eienaars van die Greenlyn Sentrum, eienaars van
die Brooklyn Teater en alombekend as “Mnre. Salon
Music”.
Daniël is die besigheidsbrein. Ná sy studie aan RAU
het hy sy merk deeglik gemaak in die korporatiewe
wêreld, voor hy hom dit ten doel gestel het om die kunste
te bevorder.
Willem, met sy MMus-graad, is multikamera-televisie
regisseur en artistieke direkteur van die Brooklyn
Teater asook die Gautengse Filharmoniese Orkes – ’n
onafhanklike, nie-winsgewende organisasie en die mees
onlangse inisiatief van die Brooklyn Teater.
Maandelikse simfoniekonserte is reeds twee jaar lank
op die teaterspyskaart met ’n imposante lys van SuidAfrikaanse en internasionale soliste en dirigente.
Nege jaar gelede het die sjarmante Jean-Pierre Verster
hom ná sy operastudie by die groep aangesluit. Hy beklee
vandag direkteurstatus.
Salon Music se betrokkenheid by die gemeenskap
neem reeds jare lank verskeie vorms aan. Musicula,
Magdaleen Lamey se musiek-akademie vir kinders van
6 maande tot 6 jaar, is in die teater gevestig. Sowat
10
Oos
East
lans
lam
Oos
lans
Maart/April 2016 / March/April 2016
150 kinders vind weekliks hier hul weg na ’n regte teater
vir individuele en groepsklasse.
Die blootstelling van Musicula-leerders aan ’n
simfonieorkes en opera in die Brooklyn Teater, vorm
die afronding aan ’n jong kind wat geld nie kan koop
nie. Blootstelling brei uit na skoolgaande leerders wat
ook repetisies kan bywoon. Samewerking met Uitreikaksies van UP sorg dat kinders uit minderbevoorregte
gemeenskappe per bus na die Brooklyn Teater aangery
word. Die opvoedkundige prentjie word afgerond deur
die Telematiese Leersentrum van die Universiteit van
Stellenbosch wat al etlike jare in die teater gevestig is.
Produksies van werke wat voorgeskryf is vir matriek,
word jaarliks in die Brooklyn Teater aangebied. So is daar
Die Towerfluit (Mozart), ’n operaproduksie aan die begin
van elke jaar, asook Think Theatre se Othello in Mei. Pieter
en die Wolf (Prokofiev) en die Karnaval van die Diere
(Saint-Saëns) is onder andere in Junie 2016 op die planke,
asook Liewe Heksie, ’n volskaalse pantomime, in April.
Die Hazel Kosmark op Saterdae is reeds vyf jaar lank ʼn
instelling op die perseel.
Die foyer van die teater is onlangs daadwerklik
opgeknap, vergroot, verfraai en huisves nou die Caffé si
Bon.
Die teater met sy uitstekende akoestiek is ’n
internasionale Steinway Venue met ’n konsertvleuel wat
onder andere deur Anton Nel as een van die beste klaviere
in die land beskryf is.
Liefhebbers van klassieke musiek kan hul verlustig in
die iSalon-winkel by die teater – die grootste klassieke
CD- en DVD-winkel in Suid-Afrika en nog ’n skakel in die
legkaart van Vos, Vogel en Verster se edel visie om ’n liefde
vir klassieke musiek in stand te hou.