Lourier Eerste Uitgawe 2018 LOURIER TWEEDE UITGAWE DESIGN 2 met fotos | Page 3

hoofredaksie
Ontmoet die Lourier se hoofredaksie van 2018
KOM ONS BOU!
Toe 2018 aangebreek het, het ons geweet: hier kom beslis ‘n jaar om te onthou! Wat sal die nuwe jaar sonder graad
aggies wees? Die opgewonde en bang graad aggies het in die hoërskool as leeuwelpies ingetree en sal as egte
Grensies vir die res van hulle hoërskoolloopbaan erken word. Elke oomblik van ontgroening was dalk nie vir hulle gen-
otvol nie, maar wel vir die res van die skool!
Die Atletiek-kleurebyeenkoms was weereens ‘n groot sukses! Met die nuwe gees van 2018 wat op daardie dag bekend
gestel is en die atlete wat so fantasties presteer het, weet ons dat 2018 ‘n baie lekker jaar gaan wees! Baie geluk
aan die atlete wat na die volgende rondes deurgedring het. Julle het ons met julle uitstekende prestasies baie trots
gemaak!
Die tyd van die jaar, waarna al die Grensies uitgesien het, was die SPORTFEES! Almal was vreeslik opgewonde om die
verskillende skole van verskillende provinsies te sien en meer so om teen hulle te speel! Die ondersteuing asook die
sportmanskap was opvallend. Waar was jy? Hopelik by Grens se sportfees, want dit was ‘n besonderse genotvolle
pretnaweek.
By Mnr. en Mej. Grens spog ons met Grens se prag! Vanjaar is daar weer ‘n handvol juniors en seniors gekies om aan
die geleentheid deel te neem. Die Meksiko-tema het definitief die gees aan die gang gesit. Die openingdans asook
Kiana en Deston se pragtige geïllustreerde dans-item was besonders om na te kyk.
Ek het ‘n gevoel dat 2018 ‘n jaar gaan wees om te onthou!
Somila Mkonto en Erica Dreyer
Somila Mkonto - graad 11
Hoofredaktrise
erica dreyer - graad 12
Hoofredaktrise