Lourier 2018 - Tweede Uitgawe Lourier Tweede Uitgawe PDF | Page 2

Na 14 jaar sê ons
totsiens aan
juf. Goosen
Juf. Goosen sê sy gaan die kinders die
meeste mis. Haar grootste vreugde en
motivering, tydens haar jare by Grens,
was om te sien hoe jongmense ontwik-
kel. Die transformasie van Gr. 8 tot Gr.
12 is ongelooflik en dit is vir haar ‘n
groot voorreg om deel van hierdie vorm-
ingsjare te wees.
Deur: Ruard Swanepoel
Juf. Goosen en haar man het besluit
hulle gaan die land verken. Nie met die
spreekwoordelike “kar voor die perde”
nie, maar eerder die “kar voor die woon-
wa”! Sy sien baie daarna uit om ons mooi
land beter te leer ken. Daar is vir hulle
niks lekkerder as ‘n gesellige kampvuur
en die roep van ‘n naguil nie. Familie is
vir haar baie belangrik dus glo ons dat
sy baie tyd saam met haar kinders en
kleinkinders sal deurbring en geniet.
Ons verlies is hulle wins.
Sy onthou haar vroeë dae met deernis.
Dit was ‘n tyd toe sy kon groei en leer
onder die leiding en mentorskap van juf.
Smith.
Alhoewel ons dit natuurlik vir juf.
Goosen gun, kan ons nie anders as om
hartseer te wees om haar te groet nie.
Haar voetspore het diep getrap en sy het
waarlik ‘n hele paar stene by Grens gelê.
Sy het “gebou” soos wat van ‘n Grensie
verwag word en ons is opreg dankbaar
vir al haar lang ure, geduld en liefde.
Juf. Goosen is ‘n mense mens! Haar
positiewe houding en liefde vir haar kol-
legas en leerders is sigbaar. Sy leer ons
dat alles makliker is as jy jou houding
verander. ‘n Positiewe houding maak
alle laste lig!
Ons wens haar net die beste toe en glo
dat sy hierdie “rustiger” tyd in haar lewe
verdien en terdeë sal geniet.
Sy het geleer dat elke dag nie maklik
is nie en dat ‘n mens soms kwaad raak,
maar jy moet lag, die goeie uithaal en
die les daaruit leer. Dit is wat jou sterk
maak en dit is wat elke dag spesiaal en
die moeite werd maak.
1