Lourier 2017 LOURIER TWEEDE UITGAWE DESIGN 2 | Page 3

GESKIeDENIS
HET JY GEWEET?
Ons skool het baie verander soos die tyd verloop
het. Dit het op vele terreine positief verander en
verander nog steeds, want elke dag is daar iets
nuuts waarmee ons kan spog.
DEUR Tanika Thiart
Ons sien ons skool as net ‘n skool, maar het ons
regtig ‘n goeie kennis van ons skool?
Ons skool is iets uit ‘n ander eeu soos ons
jonges sal sê. Dit was anders, outyds en iets om
te onthou.
Ons het ‘n wonderlike Afrikaanse skool hierso
beet, julle! Dit is soos ons tweede tuiste.
Waarheen gaan ons as ons die huis soggens
verlaat? Natuurlik ons tweede tuiste - ons skool.
Kom ons pas dit mooi op en bewaar die skool vir
ons nageslag.
Ons skool het heel aan die begin in ‘n hospitaal-
gebou (die Frere Hospitaal) begin. Die leerders
was maar bitter min, maar moenie
bekommerd wees nie; kyk hoe lyk ons skool
nou. Baie leerders! Daar is leerders wat elke
dag presteer en ons skool se naam hoog hou.
Ons personeel het ook van een onderwyser
gegroei na ons baie onnies wat ons elke dag
van die alledaagse feite en somme leer. Moenie
vergeet van ons interessante
Toerisme-uitstappies en ander besoeke nie.
Ons skooldrag lyk beslis beter as wat dit in die
oudae gelyk het. Wie van julle kan onthou toe
ons daardie chappie wrappers moes dra? Dit
was lank ons skoolbaadjies. Ons blou baadjies
wat ons nou dra, is slegs deur akademiese
presteerders of die leerders wat goed in sport
presteer het, gedra.
Die matrieks is altyd leerders waarmee ons skool
kan spog. Het julle geweet dat ons die meeste
van die tyd ‘n 100% slaagsyfer het? Ja, dit is
wonderlik! Ek sê vir julle: ons leerders is slim!
Ons het in 2015 die toppresteerder in die
Nasionale Sertifikaateksamen in Oos-Londen
gehad. Ons skool is ons steunpilaar en sonder
‘n steunpilaar is ons onstabiel. Skool kan
partykeer maar heelwat vervelig wees, maar
dink net daaraan… Wat sal ons sonder ons
tweede tuiste doen? So ek moedig julle aan:
Weet julle dat ons ‘n biokinetikus het? Ja!
Dit is die meneer wat nie net ons seuns maar
ook meisies so mooi fiks hou! Ons skool het
nie in die oudae hierdie
geleenthede gehad nie. Ons moet waardeer wat
ons skool vir ons aanbied, want daar is skole
wat nie hierdie tipe voorregte het nie.
KOM ONS BOU!
2