Ճարտարապետությունը արվեստ չէ, չնայած որ ՁԵՎԸ մեր որոշակի
ներդրումն է համաշխարհային հասարակության զարգացման մեջ։
Մենք պետք է հասկանանք՝ ինչպես կարող են նոր ձևերն ազդել
համաշխարհային քաղաքակրթության առաջընթացի վրա»։
Շումախերը բացահայտում է ճարտարապետների շատ սովորական
դարձած մեծամտությունը։ Մենք ասում ենք, որ «նոր ձևերը» նպաստում
են «աշխարհի հասարակության զարգացմանը» և «համաշխարհային
քաղաքակրթության առաջընթացին», բայց չենք բացատրում՝ ինչպես։
Հեգնանքով պետք է նշել, որ հռչակավոր ճարտարապետներն
իրականում օգտագործում են էկզոտիկ երկրաչափական ձևեր ճիշտ
հակառակ նպատակով՝ ցուցադրելու իրենց սեփական շահերը։
Ահա թե ինչու է ճարտարապետությունը համարվում արվեստ։
«Արևմտյան երկրներում, - գրում է Պրիսցիլլա Ֆրանկը՝ Հաֆինգթոն
Փոսթի արվեստի և մշակույթի բաժնի խմբագիրը, - կա կարծիք, որ
արվեստն ու ինքնաարտահայտումը սերտորեն կապված են միմյանց
հետ»։ About.com կայքը, որը «համացանցում փորձագիտական
բովանդակության ամենամեծ աղբյուրն է», հաստատում է դա. «Արվեստը
սովորաբար ինքաարտահայտում է»։ Ասվածի հետ համամիտ է նաև
PBS-ը. «Ինքնաարտահայտվելն արվեստի բնույթն է»։