08 .
ՃԱՐՏԱՌԱՊԱՆՔ
Չկա ճարտարապետ , ով չի ցանկանում իրականացնել իր նախագծերը ։ Իմ փորձից կարող եմ պատմել ՝ ինչ է նշանակում իրականացնել նախագիծ ։
Բնականաբար , առաջինը ուսումնասիրական փուլն է , երբ հավաքում ենք տարածքը նկարագրող գծագրական , լուսանկարչական և ուրիշ նյութեր , ուսումնասիրում ենք առկա բարդություններն ու սահմանափակումները ։ Եվ , անշուշտ , պետք է ծանոթանալ պատվիրատուի հետ , զրուցել , հասկանալ , ծանոթանալ ընտանիքի անդամների հետ , պարզել ՝ ինչով են զբաղվում երեխաները դասերից հետո , ով է ճաշ եփողը և արդյոք սիրում է դա անել , թե ստիպված է ։ Այս փուլում ճարտարապետը պետք է ունենա հոգեբանի նրբանկատություն , տերտերի համբերություն և պատրաստ լինի պահպանել պատվիրատուի ակամա բացահայտված գաղտնիքները , ինչպես դա անում են փաստաբանները ։
Ամենահետաքրքիր , ոգևորող , բայց միաժամանակ բարդ և երբեմն վախեցնող փուլը էսքիզային նախագծի ստեղծումն է ։ Սպիտակ թուղթը ներշնչում է միաժամանակ հրճվանք և սարսափ ։ Նախագծվող կառույցի կերպարը երբեմն հայտնվում է արագ և համոզիչ է , ուրիշ դեպքերում գործընթացը նմանվում է բարդություններով ընթացող հղիությանը ։
Արսեն Կարապետյան d ’ Արվեստանոց ճարտարապետ
Երբ էսքիզը պատրաստ է , ու դու կարծես թե կարողացել ես համոզել ինքդ քեզ , որ ամեն ինչ ստացվել է , պետք է ներկայացնես նախագիծը պատվիրատուին ։ Այս գործընթացի հաջողությունը կանխատեսելիությունով նման է սպորտային դրույքներով խաղերին և կախված է բազմաթիվ գործոններից . առաջին հերթին ՝ ձեր աշխատանքի