09 . ՏԵՂԵԿԱՏՎԱԿԱՆ ԿԵՆՏՐՈՆ ԵՐԵՎԱՆՈՒՄ
ուսանողներ ՝ Նունե Զաքարյան / Հայկ Նասոյան , ղեկավար ՝ Միսակ Խոստիկյան , Մագիստրատուրայի դիպլոմային աշխատանք ՃՇՀԱՀ , ֆակուլտետ ՝ ճարտարապետություն և դիզայն
Համալիրի ճարտարապետական լուծումների հիմնական կետերն են ՝ 1 . Մասշտաբի պահպանումը հարակից պատմամշակութային հուշարձան հանդիսացող թաղամասի նկատմամբ , 2 . Ճակատային զուսպ լուծումներ փողոցի կողմից , 3 . Ներքին տարածության իրականացում ներքին բակի սկզբունքով ՝ ավելի ակտիվ ծավալային լուծումներով
Համալիրը բաղկացած է 3 հիմնական մասնաշենքերից , որոնցից երկուսը գտնվում են Մանթաշյան փողոցի վրա : Այս երկու մասնաշենքերում են կենտրոնացած հիմնական օֆիսային գոտիները , խորհրդակցությունների և ուսումնական լսարանների համար նախատեսված առանձին ծավալները , որոնք գտնվում են ներքին բակի կողմից և պարփակված են ապակե թաղանթով : Սա ստեղծում է յուրօրինակ տարածություն մասնաշենքերի ներքին տարածություններում : Երկու մասնաշենքերի կապը իրականացվում է երկրորդ և երրորդ հարկերում : Երրորդ մասնաշենքը , որը գտնվում է համալիրի ներքին բակում , նախատեսված է մեծ միջոցառումների համար : Այն բաղկացած է հանդիսություների դահլիճից և ցուցադրություների համար նախատեսված սրահներից : Այստեղ կարող են իրականացվել այնպիսի միջոցառումներ , որտեղ ցուցադրված կլինեն հայկական առաջադեմ տեղեկատվական տեխնոլոգիաների նորարարություները : Համալիրի մուտքը իրականացված է Մանթաշյան փողոցի կողմից երկու հիմնական մասնաշենքերի մեջտեղի հատվածից :
Շենքն ունի 14,5 մ բարձրություն : Ընդհանուր մակերեսը կազմում է , նախատեսված է մարդու սպասարկելու համար : Կառույցի ամբողջ մակերեսով նախատեսված է ստորգետնյա երկհարկանի ավտոկանգառ , որը նաև շրջակա բնակելի շենքերի համար է :
Համալիրի տանիքում առաջարկվում է իրականացնել կանաչապատ ռեկրեացիոն հատվածներ , որոնք կնպաստեն թաղամասի ընդհանուր կանաչապատ մակերեսների ավելացմանը : Ներքին բակում նախատեսվում է հասարակական նշանակության այգի ՝ կանաչապատ և ջրային մակերեսներով :