03 .
« ՄՈՒՐԱԴ ՌԱՖԱՅԵԼՅԱՆ » ՎԱՐԺԱՐԱՆ հարցազրույց ԱՐԽԱՆԳԵԼ ճարտարապետական արվեստանոցի ղեկավար Արտակ Կնյազյանի հետ
-Ինչպե ՞ ս առաջացավ « Մուրադ Ռաֆայելյան » վարժարանի նախագծային առաջարկի ստեղծման գաղափարը ։
-2016 թ . -ին 4 ընկերներով մեր ընտանիքների հետ հանգստանում էինք Իտալիայում ՝ Սիցիլիայում : Մեզ հետ էր նաև Լևոն Իսրայելյանը ՝ ճարտարապետ Ռաֆայել Իսրայելյանի թոռը , ով սովորել էր Մուրադ Ռաֆայելյան վարժարանում ու եղել վարժարանի վերջին սաներից , քանի որ այն 1998 թ . փակվել է : Գաղափարը ծնվեց շատ պատահական զրույցից , երբ Լևոնը մի երեկո պարզապես պատմում էր իր դպրոցական տարիներից ու վարժարանում անցկացրած օրերից : Ամեն ինչ ավելի լրջացավ , երբ մի քանի օր անց մեզ միացավ Արթուր անունով մի տղա , ով Լևոնի դասընկերն էր և մինչև Սիցիլիա հասնելը , որպես այցելու , ճանապարհին եղել էր նաև Մուրադ Ռաֆայելյան վարժարանում , տեսել վարժարանի անմխիթար վիճակը : Այս խոսակցությունները մեզ մոտ բուռն ցանկություն առաջացրին միավորվելու ՝ վարժարանի վիճակը ինչ-որ ձևով բարելավելու գաղափարի , նպատակի շուրջը : Մեր նպատակն է վերածնել մեզ պատկանող այդ հայկական , մեծ պատմություն ունեցող կրթօջախը : Մենք դեռ Սիցիլիայում քայլերի փոքր ծրագիր էինք կազմել ու որոշել , թե մեզնից ով ինչով պետք է զբաղվի : Երբ վերադարձանք Երևան , մեզնից յուրաքանչյուրը սկսեց զբաղվել իր գործերով ՝ միաժամանակ չմոռանալով մեր ծրագրերի մասին : Մենք վերանորոգման աշխատանքների նախագծեր էինք անում , տղաները ՝ ֆինանսական հաշվարկներ , ինչպես նաև քննարկվում էին IT համակարգերը մեր ծրագերում ներդնելու հնարավորությունները :