1
10 ճարտարապետական արվեստանոցների
տարօրինակ անունների մասին
Հեղինակ՝ Օլիվիա Մալ
Արվեստանոցը տնօրենի ազգանունով անվանելու դարն արդեն վաղուց անցել է։
Այսօրվա ճարտարապետներն ընտրում են այնպիսի արտասովոր ու հիանալի անուններ,
ինչպիսիք են 5468796 Architecture, G///bang և Design, Bitches: Ամենատարօրինակ
անվանումներով արվեստանոցներից մի քանիսը պատմեցին իրենց ընտրության մասին։
Design, Bitches
2010-ին ճարտարապետներ Քեթրին Ջոնսոնն ու Ռեբեկա Ռուդոլֆը
մասնակցում էին Ճարտարապետների Ամերիկյան Ինստիտուտի
լոսանջելեսյան մասնաճյուղի (AIA/ LA) հայտարարած մրցույթին, որը
վիճարկում էր մասնագիտության բնույթը ռեցեսիայի խորքերում։ Այն
երիտասարդ ճարտարապետներին կոչ էր անում պատասխանել «Ի՞նչ է
ճարտարապետությունը» հարցին։ Ջոնսոնի և Ռուդոլֆի պատասխանը
եղավ. «Դա դիզայն է, ձեր մերը» (անգլ. It’s Design, Bitches)։ Զույգը
պատմեց, որ չնայած Design, Bitches-ը երբեք չէր մտածվել որպես
անվանում, այն ծամոնի պես կպավ ու վերջ։ «Այն լավ խոսակցության
սկիզբ է դառնում ու հիշվող է, - ասում է Լոս Անջելեսում հաստատված
ճարտարապետական զույգը։ - Մեր անվանման հետ կապված միշտ
դրական արձագանք ենք ստանում, մարդկանց մեծ մասը ոգևորվում
է անունից ու ճարտարապետական ընկերության համար անսովոր
համարում այդպիսի անունը»։
G///bang
G///bang իսպանական ճարտարապետական արվեստանոցի անվան մեջ համադրված
են հիմնադրի ազգանվան առաջին տառը՝ G-ն և օնոմատոպեա (բնաձայնություն)՝
bang-ը։ Այնուհետև հիմնադիր Խոսե Խավիեր Գալարդո Օրտեգան երկու մասերը
տարանջատելու համար որպես «գրաֆիկական գործիք» ընտրեց 3 հատ սլեշ։
«Bang-ը օնոմատոպեա է, որը շատ տարածված է մանկական կոմիքսներում», - ասում
է հիմնադիր Գալարդո Օրտեգան։ «Մենք ուզում էինք փոխանցել այն միտքը, որ
ճարտարապետություն կերտելու համար պետք է միաժամանակ ավազակ երեխա ու
շատ պատասխանատու մարդ լինես»։ Գալարդոն խոստովանում է, որ երբեք G///bang-ը
չի դասել արտասովոր անունների շարքին, բայց վստահ է, որ այն հետաքրքրություն է
առաջացնում։ «Ըստ իս, մարդկանց համար անվանումը սեքսուալի ու տարօրինակի
միջև ընկած մի բան է», - հավելում է նա։