01.
ԲԱՑԱՏՐԱԳԻՐ
Շնորհավո՜ր, վերջապես եկավ տարվա այն ժամանակը,
երբ բոլորիս մեջ արթնանում է երեխան ու սպասում է
հրաշքների: Իսկ իրականում մեզ սպասում է տարվա
ամենածանրաբեռնված շրջանը. պետք է ամփոփել տարին,
հնարավորինս վերջացնել նախագծերը, պատրաստվել
Ամանորին… Սակայն այդ ամբողջ խառնաշփոթից հետո,
միևնույն է, գալիս է այդ կախարդական ու գեղեցիկ գիշերը:
Մենք էլ, ամփոփելով մեր աշխատանքային տարին, ուզում ենք
հատուկ շնորհակալություն հայտնել մեր բոլոր գործընկերներին
և ընթերցողներին: Այս նախագիծը սկսվեց փորձարարական
գաղափարից և արդյունքում տարին ավարտվում է 9 Լեյաութի
համարով: Ձեր բոլորի աջակցությունը, խորհուրդներն ու
քննադատությունը շատ կարևոր են մեզ համար:
Սրտանց շնորհավորում ենք գալիք Նոր տարին և Սուրբ
ծնունդը: Թող այս տարին մասնագիտական բարձունքների
տարի լինի:
Հիշեցնենք, որ ՃՇՀԱՀ ուսանողները և շրջանավարտները
կարող են ուղարկել մեզ իրենց ուսանողական նախագծերը
(նկարներ, գծագրեր, բացատրագիր (1200 նիշ)), որոնցից
լավագույնները կտպագրվեն «Լեյաութ» զինի հաջորդ
համարներում:
Տաթևիկ Զաքարյան
Համարի պատրաստման աշխատանքներին
մասնակցել են՝
Տաթևիկ Զաքարյան,
Վարդենի Վարդանյան,
Աշոտ Սնխչյան,
Արմինե Սնխչյան
Գրական խմբագիր՝
Գայանե Վերդյան
Խմբագրությունը կարող է համակարծիք չլինել
հեղինակների մտքերի հետ: