Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Festa 2019 Każin Banda San Pawl, Safi Niftakru… Il‑Funeral ta’ Żużu Callus F’Joseph Callus (Żużu ta’ Vitor), li miet fil-15 ta’ Jannar 2019, fl-età ta’ 82 sena. Huwa kien persuna li ta’ ħinu u saħħtu biex ta’ kull sena San Pawl ikollu festa kif jixraqlu. Żużu kien għamel xi żmien jaħdem fl-Arabja Sawdija u wara li ġie lura Malta kien għamel perjodu jaħdem fl- ajruport ta’ Malta u wara għamel żmien twil jaħdem ma’ kumpanija li kienet tbigħ it-te tal-pakketti f’Malta. Meta kien għadu żagħżugħ huwa kien ukoll jilgħab il-futbol tant li kien jagħmel parti mit-tim Safi WCY lejn l-aħħar tas-snin ħamsin. Huwa għamel snin twal jagħti sehmu fil-każin tal- Banda San Pawl kif ukoll fil-ħdim tal-piroteknika. Żużu kien President tal-Każin San Pawl mill-1965 sal-1977 u qatta’ parti sostanzjali minn ħajtu jaħdem in-nar għall- festa tar-raħal. Huwa kien kabbar in-namra tiegħu għall- piroteknika wara li oħtu żżewġet lil Leli Camilleri, iż-Żanżoff, Gudjan li wkoll għamel snin twal jaħdem il- logħob tan-nar, kemm tal-ajru u wkoll tal-art. Magħruf fost sħabu dilettanti tan-nar bħala ‘l-Foreman’, Żużu jibqa’ żgur magħruf għas-sett ta’ tnax-il murtal tal- beraq pront li kien jikkonsisti minn fetħa waħda sa murtal Żużu Callus fis‑snin 70 ta’ tnax-il fetħa, liema sett kien mar tajjeb ħafna u baqa’ jissemma sal-lum. Mindu fetaħ il-post tan-nar li hemm illum, huwa kien iqatta’ parti sostanzjali minn kull ġurnata jaħdem in-nar peress li kien ikollu s-sehem tiegħu fil-ħarqa ta’ lejlet il-festa. Żużu baqa’ jiffrekwenta l-post tan-nar sakemm saħħtu kienet għadha ttih. Fl-aħħar snin, peress li minħabba l-kundizzjoni ta’ saħħtu ma baqax joħroġ mid-dar, xorta waħda kien isegwi l-ħruq tan-nar tal-ajru minn gallarija li għandu fuq in-naħa ta’ wara tad-dar fejn kien jgħix u li tiġi faċċata tal-għelieqi minn fejn isir il-ħruq tan-nar kull sena. Dejjem bi tbissima fuq wiċċu, Żużu, li miet ftit ġimgħat biss wara l-mewt ta’ martu, kien raġel ġentlom u kellu devozzjoni kbira lejn San Pawl. Kienet ukoll l-hena tiegħu jgħaddi xi ħin fuq xi bank fil-pjazza tar-raħal jirrakkonta stejjer mill-passat. Grazzi, Żuż, ta’ dak kollu li għamilt biex sena wara l-oħra seta’ jkollna ħarqa nar kif jixraq lill-festa tagħna u għall- ħidma tiegħek fil-każin tal-Banda San Pawl. 68 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 70