Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi

Festa 2019 Każin Banda San Pawl, Safi Messaġġ mis‑Sindku Festa 2019 Johan Mula Għaddiet sena oħra u reġa’ wasal il- mument li nwasslilkom il-messaġġ tiegħi għall-okkażjoni tal-festa ta’ Missierna San Pawl. Sena partikolari li, kif ilkoll tafu, proprju tliet xhur ilu, kellna l-elezzjoni tal- kunsill lokali. Għalhekk ma nistax nonqos milli, f’din l-ewwel parti tal-messaġġ tiegħi, nikteb kelmtejn dwar din il-materja qabel ngħaddi għall-messaġġ tal-festa. Ninsab ferm kuntent u onorat li għat- tielet darba konsekuttiva għoġobkom terġgħu teleġġuni sabiex inservikom fil-kunsill lokali għall-ħames snin li ġejjin. Bla dubju onorat ferm iktar li erġajtu kkonfermajtuni fil-kariga ta’ sindku u minn qalbi nirringrazzja lil dawk l-405 persuni li tawni l-ewwel preferenza. Sodisfatt ukoll li għal darb’oħra erġajt żidt fl-ammont ta’ voti miksuba. Dan, apparti milli huwa sinjal ta’ apprezzament minnkom ir-residenti tax-xogħol imwettaq minni tul dawn l-aħħar seba’ snin li ilni nservi fil-kunsill lokali, għandu jservi wkoll sabiex jixprunani u jimmotivani għal iktar ħidma b’risq il-lokalità tagħna. Nirringrazzja wkoll lil dawk kollha li ħarġu jixħtu l-vot tagħhom, irrispettivament lil liema partit politiku jew lil liema kandidat ivvutaw, biex b’hekk se jkollna kunsill lokali ġdid. Minn hawn nixtieq nawgura lil Joanna Abdilla, Janice Azzopardi, Francis Callus u Publius Abdilla li ġew eletti biex flimkien miegħi se nkunu qed immexxu t-tmien leġiżlatura tal-kunsill tagħna. Nixtieq nirringrazzja wkoll liż-żewġ kandidati l-oħra, Mark Cocker u Marcella Busuttil, li offrew is-servizz tagħhom għall-lokalità tagħna però ma kinux eletti. Iktar minn xi privileġġi, il-kariga ta’ sindku ġġib magħha responsabbiltajiet kbar li wieħed irid iġorr b’serjetà kbira u l-ammont sostanzjali ta’ voti miksuba jitfa’ iktar piż fuqi biex nagħmel dan. Sindku jrid ikun hemm għal kulħadd irrispettivament ma’ liema partit politiku jkun ikkontesta fl-elezzjoni. Sindku jrid ikun hemm biex jiżra’ l-għaqda fost il-komunità u dan jagħmlu permezz tal-eżempju tajjeb li jittrażmetti fost ir- residenti. Dan li qed nikteb pruvajt inwettqu fil-prattika matul il-leġiżlatura l-oħra u l-istess se nkun qed nipprova nagħmel tul din il-leġiżlatura. Il-festa ta’ din is-sena għandha sinjifikat speċjali għax jaħbat il-175 anniversarju tal-istatwa titulari ta’ San Pawl. Għalhekk ma jistax jonqos li l-kumitat Banda San Pawl flimkien mas-sottokumitati kif ukoll mal- parroċċa qed jaħdmu bis-sħiħ biex ikollna festa ikbar mis-soltu. B’sodisfazzjon infurmat li din is-sena se jerġa’ 66 jkollna n-nar tal-art wara l-assenza tas- sena l-oħra. Sakemm qed nikteb dan il- messaġġ għadna m’aħniex ċerti jekk hux se jintrama fi Triq il-Kuċċard minħabba x-xogħlijiet li għaddejjin bħalissa f’din it-triq. Min-naħa tiegħi u tal-Kunsill qed nagħmlu l-pressjoni tagħna biex ix- xogħol jitħaffef kemm jista’ jkun biex forsi almenu l-parti ta’ isfel fejn jintrama n-nar tkun lesta. Però dan ma jiddependix minna u allura diġà, flimkien mal-kumitat ċentrali u mal-kumitat tan-nar, bdejna naħsbu għal post ieħor fejn jista’ jinħaraq in-nar tal-art f’każ li ma jkunx possibbli li tintuża Triq il-Kuċċard. Bla ebda dubju l-ispejjeż, kemm biex issir il-festa u anke f’dak li jikkonċerna l-bżonnijiet ġenerali tal-każin innifsu, huma kbar. Bħala kunsill lokali nippruvaw ngħinu kemm nistgħu u sa fejn tippermetti l-liġi. Apparti minn hekk, jeżistu diversi skemi li permezz tagħhom il- każini tal-baned jistgħu jakkwistaw fondi. Min-naħa tiegħi pruvajt inservi ta’ pont sabiex, permezz ta’ ċertu kuntatti li bnejt, nipprova nressaq u ngħin kemm nista’ lill-kumitat sabiex japplika u jġib dawn il-fondi. Fost dawn kien hemm fondi tal-UE taħt miżuri maħruġa mill-fondazzjoni GAL Xlokk u b’sodisfazzjon ngħid li l-Każin irnexxielu jieħu kważi 9,000 ewro. Apparti minn hekk, hemm fondi oħrajn maħruġa mill- Ministeru tal-Kultura permezz tal-Kunsill Malti għall- Arti li dwarhom diġà tkellimt mas-segretarju tal-każin sabiex issir l-applikazzjoni. Hemm imbagħad il-fondi mir-Reġjun Nofsinhar fejn permezz tagħhom qegħdin jiġu ffrankati l-ispejjeż tal-gwardjani lokali matul il-festa. Saret ukoll il-Festa Nar organizzata mill-istess Reġjun Nofsinhar li permezz tagħha bbenefikaw minn fondi l-kumitat tan-nar kif ukoll is-sezzjoni żgħażagħ li kellhom l-opportunità li jarmaw stand tal-ikel f’din il-festa. Min-naħa tiegħi dejjem se nkun disponibbli biex ngħin sa fejn nista’ mhux lill-każin Banda San Pawl u l-parroċċa biss imma lill-għaqdiet l-oħra tar-raħal ukoll. Niddejjaq inkun negattiv fil-messaġġ tiegħi però ma nistax ma nesprimix id-diżappunt tiegħi għal inċident partikolari li seħħ fil-festa tas-sena l-oħra fejn sfortunatament pulizija li kien waqt il-qadi ta’ dmirijietu spiċċa aggredit u msawwat flimkien ma’ xi inċidenti oħra li seħħew dakinhar. Inċidenti bħal dawn jitfgħu dell ikrah kemm fuq il-festa u kif ukoll fuq ir-raħal tagħna u żgur li mhux aċċettabbli li isem raħalna jispiċċa jissemma fin- 90 Sena Soċjetà 1929-2019 30 Sena Banda 1989-2019 175 Sena Statwa Titulari 1844-2019

Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 68