Ktieb Festa 2019, Każin Banda San Pawl Safi Ktieb Festa 2019, Każin Banda San Pawl Safi | Page 67

Każin Banda San Pawl, Safi
Festa 2019
San Pawl u s‑Sbuħija ta’ Ruħna
Dun Karm Zammit
Kemm nieħu gost kull meta nkun ġej minn xi mkien ieħor,
xħin nasal fir-raħal tagħna ta’ Ħal Safi.
Aktar u aktar narah sabiħ, meta jkunu waslu
l-jiem tal-Festa ta’ San Pawl Missierna,
Patrun tal-Parroċċa tagħna.
Din il-Festa ta’ San Pawl minn dejjem iġġib ċertu ferħ f’qalbi u f’moħħi,
għax kont nitgħaxxaq bil-preparazzjoni u t-tiżjin kemm fil-Knisja Parrokkjali
kif ukoll fit-toroq tar-raħal tagħna.
Illum, aktar minn qabel, kemm fil-Knisja Parrokkjali, kif ukoll fit-toroq tagħna,
issib u tara tiżjin aktar minn qabel, grazzi għal ħutna ta’ qabilna u dawk tal-lum.
Imma mhux biżżejjed dan it-tiżjin li jsebbaħ lil pajjiżna,
imma pajjiżna jrid ikun aktar magħqud ma’ Alla, bħal San Pawl,
kif jikteb fl-Ittri tiegħu li nsibu (u nispera li naqrawhom u nimmeditawhom)
fit-Testment il-Ġdid tal-Iskrittura Mqaddsa.
Fil-bidu tal-Ittri tiegħu, hu dejjem ifaħħar u jirringrazzja lil Alla b’titli sbieħ ħafna:
“Imbierek Alla u Missier Sidna Ġesù Kristu, Missier il-ħniena u Alla ta’ kull faraġ”
u fuq dan il-ħsieb San Pawl ikompli:
“in-niket tagħna jservi għal faraġ u s-salvazzjoni tagħkom”.
Għalhekk, hu importanti ħafna, li aħna,
bħala Nsara u fuq l-eżempju u t-tagħlim ta’ San Pawl,
insebbħu lilna nfusna b’għaqda ma’ Ġesù bis-Sagramenti Mqaddsa.
Hekk is-sbuħija tar-ruħ tagħna tirrifletti fuq it-tiżjin fil-Knisja u fit-toroq tagħna.
San Pawl Bierek Lilna u Lil Malta Tagħna!
St Paul Bitten by a Viper
on the Island of Malta
ta’ Maerten de Vos
‑ ċirka 1567,
Pariġi, Le Louvre
90 Sena Soċjetà 1929-2019
30 Sena Banda 1989-2019
175 Sena Statwa Titulari 1844-2019
65