« Կորիզ » համայնքային ամսաթերթը Դիլիջանի համայնքային կենտրոնի կրթական , տեղեկատվական եվ սոցիալական ծրագրերից մեկն է հանդիսանում : Ողջ տպագրական աշխատանքը համակարգում են մի խումբ դիլիջանցի պատանիներ : Թերթը իրազեկում է այն բոլոր նորությունների , իրադարձությունների , միջոցառումների մասին , որոնք կատարվում են Դիլիջան համայնքում : Թերթը բարձրաձայնում է այն հայտնի և անհայտ մարդկանց մասին , որոնց գործունեությունը կարևոր տեղ է զբաղեցնում Դիլիջան համայնքի առօրյա կյանքում :
Շնորհավո ՜ ր Գիտելիքի օր
Հեղինակներ ՝ Գոռ Սարդարյան եւ Լենա
Ահա եւ սկսվեց նոր ուսումնական տարին ։ « Կորիզ » -ի թիմը սիրով ձեզ է ներկայացնում Գիտելիքի օրվան նվիրված բարեմաղթանքներն ու ցանկություններ ՝ Դիլիջանի դպրոցների ներկայացուցիչների կողմից ։
Դիլիջանի թիվ 2 հիմնական դպրոցի փոխտնօրեն` Արմինե Գրիգորյան :
- Աշակերտներին մաղթում եմ , որպեսզի ոգևորությամբ սկսեն նոր ուսումնական տարին ՝ նոր գիտելիք ստանալու առումով , քանի որ գիտելիքն ամենաթանկ արժեքն է : Մարդն իր կյանքում ունեցել է շատ արժեքներ ու ձեռքբերումներ , բայց իմ կարծիքով ամենամեծ արժեքը գիրքն է ։ Եթե կա գիրք , ապա կա գիտելիք : Գիրքը և կրթությունը անքակտելի են : Ուզում եմ , որ մեր աշակերտները շատ գիրք կարդան , որ գրքին սիրահարված ապրեն , որովհետև գիրքը բացի գիտելիքից նաև ճաշակ է զարգացնում , իսկ ինչպես ասում է Հովհաննես Թումանյանը . « Ճաշակը կյանքի բույրն է »:
Թիվ 2դպրոցի աշակերտուհի` Գայանե Սարդարյան , 9-րդ դասարան
- Ինձ շատ է դուր գալիս այն դպրոցը , որտեղ ես սովորում եմ , որովհետև այնտեղ են իմ սիրելի ուսուցիչները և իմ սիրելի դասընկերները : Կցանկանամ , որ մեր դպրոցը վերանորոգվի , նոր տեսք ստանա , հնարավորինիս չափով գույքը փոխվի : Կցանկանայի աշակերտները հագնեն միանման համազգեստ : Նաև ուսման համար արդյունավետ միջոցներ ավելանան :
Դիլիջանի թիվ 4 դպրոցի տարրական դասարանի դասվար` Անի Հովհաննիսյան
- Աշակերտներին կմաղթեմ ուսման մեջ հաջողություններ , աշխատասիրություն և նպատակասլացություն : Կարողանան արժևորել աշակերտի կարգավիճակում գտնվելու կարևոր ժամանակահատվածը և կլանեն տրվող գիտելիքներն ու խորհուրդները ՝ արդյունավետ օգտագործելով իրենց ներուժը :
Թիվ 4 դպրոցի աշակերտ` Արտաշ Ռևազյան , 8-րդ դասարան
- Ինչպես ամեն ուսումնական տարի , այս տարի նույնպես ակնկալիքներս նոր գիտելիքներ ստանալն է , ինչն էլ անկասկած կդառնա նպատակիս հասնելու համար կարևոր նախապայման : Կցանկանայի , որ մեր դպրոցի մարզադահլիճը վերանորոգվեր և համալրվեր նոր մարզագույքով : Բացի գիտելիքների ձեռքբերումը , չեմ կարող չխոսել ընկերներիս ու նրանց հետ կապված տարբեր հետաքրքիր իրադարձությունների մասին , առանց որոնց չեմ կարծում , որ դպրոցական կյանքը շատ հետաքրքիր կլիներ :
Դիլիջանի թիվ 5 դպրոցի ուսուցչուհի` Աննա Անտինյան
- Այս տարի աշակերտներին կցանկանամ նոր ձեռքբերումներ , լավ սովորեն , ստանան իրենց տրվող գիտելիքները , լինեն լավ մարդ , ապագայում դառնան ազգին պիտանի մարդ : Կցանկանամ առողջություն և եռանդ : Չէ ՞ որ աշակերտներն են մեր ապագան :
Թիվ 5 դպրոցի աշակերտուհի` Մարիետա Ղազարյան , 5-րդ դասարան
Ինչպես բոլոր աշակերտների ակնկալիքները , իմ ակնկալիքներն էլ են նույնը ՝ ստանալ նոր գիտելիքներ : Կցանկանայի , որ մեր դպրոցում լինեին հետաքրքիր միջոցառումներ : Նաև կուզենայի , որ դպրոցում լիներ մարզադահլիճ , նոր գույք ։
* Դիլիջանի համայնքային կենտրոնը ( ԴՀԿ ) հանդիսանում է « Scholae Mundi Հայաստան » բարեգործական հիմնադրամի ծրագրերից մեկը ։ Այն ստեղծվել է 2014 թվականին Դիլիջանի երիտասարդական կենտրոնի հիմքի վրա ՝ որպես հարթակ UWC Դիլիջանի ուսանողների և Դիլիջանի երիտասարդության համագործակցության համար : 2015 թվականի հունիսին ԴՀԿ-ն հանդես եկավ իր նոր ռազմավարությամբ ՝ խրախուսելու մասնագիտական զարգացումը , կրթական միջոցառումների անցկացումը և որպես հիմք ծառայելու այնպիսի նախաձեռնությունների համար , որոնք համայնքը ներգրավում են նոր ու լուսաբանող ծրագրերում : Կենտրոնը գտնվում է Դիլիջանի ավագ դպրոցի տարածքում ։
2