« Կորիզ » համայնքային ամսաթերթը Դիլիջանի համայնքային կենտրոնի կրթական, տեղեկատվական եվ սոցիալական ծրագրերից մեկն է հանդիսանում: Ողջ տպագրական աշխատանքը համակարգում են մի խումբ դիլիջանցի պատանիներ: Թերթը իրազեկում է այն բոլոր նորությունների, իրադարձությունների, միջոցառումների մասին, որոնք կատարվում են Դիլիջան համայնքում: Թերթը բարձրաձայնում է այն հայտնի և անհայտ մարդկանց մասին, որոնց գործունեությունը կարևոր տեղ է զբաղեցնում Դիլիջան համայնքի առօրյա կյանքում:
Ի ՞ նչ է իրենից ներկայացնում Դիլիջանի և հարակից համայնքների զարգացման նախաձեռնություն-ՏԶՊԾ ծրագիրը
« Դիլիջանի եւ հարակից համայնքների զարգացման նախաձեռնություն » ծրագրի նպատակն է աջակցել Դիլիջանում եւ հարակից համայնքներում զբոսաշրջության զարգացմանը` խթանելով նոր աշխատատեղերի ու բիզնես հնարավորությունների ստեղծումը: « Հայաստանի Զարգացման Նախաձեռնություններ »( IDeA) հիմնադրամի կողմից ներկայացվող ծրագրի իրականացումը կնպաստի Դիլիջան քաղաքի եւ, ընդհանուր առմամբ, Տավուշի մարզի տնտեսական զարգացմանը` նվազեցնելով արտագաղթի միտումները: Այն մեկնարկել է 2017 թվականի փետրվարի մեկին եւ պաշտոնական ավարտը կլինի 2018 թվականի նոյեմբերի 30-ը ։
Ծրագրի շրջանակներում մեկնարկել են եւ ընթացքի մեջ են գտնվում մի շարք գործառույթներ ՝
-Դիլիջանում ներկայումս ընթանում են շինարարական աշխատանքներ Զբոսաշրջային տեղեկատվական կենտրոն( ԶՏԿ) ստեղծելու նպատակով, որը համապարփակ տեղեկատվություն կտրամադրի տեղանքի մասին: Զբոսաշրջային ոլորտի ներկայացուցիչների հետ սերտ համագործակցության արդյունքում ԶՏԿ-ը կդառնա տարածաշրջանում զբոսաշրջության և հանգստի հետ կապված բոլոր գործողությունների ու միջոցառումների գլխավոր կենտրոնը:
- Ծրագրի շրջանակում Դիլիջանի ազգային պարկում բարեկարգվում են արահետները, որոնք կխթանեն Հայաստանում էկոզբոսաշրջության զարգացումը:
-Ընթանում են աշխատանքներ Դիլիջանում քաղաքային շուկա, գյուղատնտեսական տաղավարներ, ինչպես նաև Արհեստների և արվեստների կենտրոն ստեղծելու նպատակով, որոնք կսպասարկեն թե ՛ տեղաբնակներին, թե ՛ զբոսաշրջիկներին:
-Ծրագրի շրջանակում ֆինանսական աջակցություն կտրամադրվի երրորդ կողմերին ՝ ենթադրամաշնորհների տեսքով( յուրաքանչյուրը մինչև 5 000 եվրո): Ենթադրամաշնորհների շահառու կդառնան այն ձեռնարկությունները, որոնք պատրաստ են Դիլիջանի և հարակից համայնքների բնակիչների համար հավելյալ
աշխատատեղեր ստեղծել: Դրամաշնորհին կարող են դիմել մինչեւ ս / թ հունիսի 11-ը ներառյալ ։
-Համայնքի բնակիչների համար անվճար սկզբունքներով անց են կացվում մի շարք դասընթացներ հետեւյալ թեմաներով` « Բրենդավորում եւ դիզայն », « Ասեղնագործություն եւ ձեւավորում », « Հյուրընկալություն եւ զբոսաշրջություն », « Հյուրատնային բիզնեսի զարգացում », « Զբոսավարի նախապատրստում », « Հաճախորդների սպասարկում հյուրընկալության ոլորտում », « Կարպետագործություն եւ ձեւավորում », « Բրենդավորում եւ դիզայն », « Ընդհանուր անգլերեն եւ ռուսերեն », եւ այլն ։
Դասընթացներն իրականացվում են Business Support Center( BSC) կազմակերպության կողմից ։
Ծրագրի շահառուները կլինեն առնվազն 330 մարդ, որոնց տրամադրվում է աջակցություն կարողությունների զարգացման դասընթացների միջոցով ՝ նպատակ հետապնդելով բարելավել նրանց մրցունակությունն ու կրճատել տարածաշրջանում գործազրկության մակարդակը:
* Դիլիջանի համայնքային կենտրոնը( ԴՀԿ) հանդիսանում է « Scholae Mundi Հայաստան » բարեգործական հիմնադրամի ծրագրերից մեկը ։ Այն ստեղծվել է 2014 թվականին Դիլիջանի երիտասարդական կենտրոնի հիմքի վրա ՝ որպես հարթակ UWC Դիլիջանի ուսանողների և Դիլիջանի երիտասարդության համագործակցության համար: 2015 թվականի հունիսին ԴՀԿ-ն հանդես եկավ իր նոր ռազմավարությամբ ՝ խրախուսելու մասնագիտական զարգացումը, կրթական միջոցառումների անցկացումը և որպես հիմք ծառայելու այնպիսի նախաձեռնությունների համար, որոնք համայնքը ներգրավում են նոր ու լուսաբանող ծրագրերում: Կենտրոնը գտնվում է Դիլիջանի ավագ դպրոցի տարածքում ։
2