INGREDIENTE
Tuma nota di lo siguiente: tin dos forma di doló di spir. Doló di spir inisial, ta un sensashon di kimamentu di spirnan na momentu òf nèt despues di e esfuerso físiko. Dor di akumulashon di mèlkzür den e spirnan, puntanan di nèrvio ta keda stimulá, kousando doló.
Doló di spir tardá, ku ta presentá 24 te 48 ora despues di ku bo a spòrt, ta wòrdu okashoná dor di skernan chikí den e fibranan di spir. E spirnan ta hasi doló i ta soportá ménos preshon di ehersisio. E skernan no ta malu, en realidat nan ta sòru pa bo bira mas fuerte. Bo kurpa mes ta bai kura e skernan, kreando un superkompensashon.
Pues, bo kurpa lo rekuperá na un nivel mas
haltu ku esun original i ta prepará su mes pa e próksimo esfuerso físiko pisá dor di krea mas
fibra di múskulo. Doló di spir no ta esensial pa kresementu di spir. Spirnan ta bira mihó dor di ehersisio. Hasi ehersisio ku doló di spir por, tanten ku bo ta trein otro grupo di spir ku esun ku ta hasiendo doló. Esaki pa prevení ku bo ta haña
un leshon di spir. Korda hasi ehersisio na un
manera konsiente i responsabel!
Bo yu ta bai kuminsá skol sekundario? Esaki sigur lo ta un proseso di adaptashon tantu pa e hóben komo pa abo ku ta mayor. Un fase nobo, un skol nobo i prinsipalmente e sistema di orario variá, kompará ku esun fiho di skol básiko. Podisé e yu tin ku kuminsá trafiká ku transporte públiko, kual tambe ta un proseso di adaptashon. Pa e motibu aki, ta konsehabel pa awor mas ku nunka hiba un kombersashon ku e yu i hasi algun palabrashon importante.
Den e temporada di skol sekundario lo bo ripara ku e yu lo krese komo persona i ku e lo bira muchu mas independiente. Tin ku lo asta skohe pa tene algun kos sekreto for di bo. P’esei konfiansa i komunikashon entre mayor i yu ta hopi importante pa por garantisá transparensia. Tep: inbolukrá bo mes den bo yu su desaroyo i forma parti konsientemente di e proseso. Na skol sekundario bo yu lo tin mester di e amigu òf amiga ku eksperensia di bida pa asina gui’é, konseh’é i eduk’é.
BO YU SU MIHÓ AMIGU
TA ABO.