Fruta.
Fruta ta fasilitá eliminashon di tóksiko di nos kurpa pa un mihó salú. Den tur estudio a ser enkontrá un korelashon haltu entre e kantidat grandi di konsumo di fruta i bèrdura i e bahada di enfermedatnan. Un kustumber bon ta pa kuminsá bo dia ku un pida fruta òf djus di fruta natural. E awa, e vitamina, e antioksidante, e mineral, e ènzimnan i e fibra ku tin den fruta, ta yuda nos saka vògt, limpia i e ta vitalisá nos organismo. Un bon fruta ta kontené masha tiki kaloria i no tin kolesteròl.
Eksperiensha ta mustra ku nos hendenan ta kome muchu tiki fruta i bèrdura fresku. Bentaha di kome fruta ta ku bo por komé kurú, tin algun ku su kaska i hasiendo esaki aki bo por gosa di tur su nutrientenan. E kantidat grandi di vitamina, mineral, elementonan ku ta keda tras i e nutrientenan manera bioflavonoides ku nan ta kontené, ta yuda regulá nos sistema imunológiko. Nan tin karekterístikanan komo desintoksifikante: nan ta stimulá e funshonamentu di igra i nirnan i nan ta yuda mehorá e intestinonan ku ta floho, danki na e fibra ku nan ta kontené.
E balor energétiko di e frutanan, generalmente ta hopi abou debí na nan kantidat di awa (80-90%) ku nan ta kontené. Nan ta aportá ku mas o ménos 5 kaloria pa kada 100 gram, ku nan ta derivá prinsipalmente for di kompleho di karbo ku ta kontené awa, kasi tur den forma di fructose. Mas hechu e fruta ta, mas su konsentrashon ta oumentá. Nan ta kontené masha poko vèt ku no semper ta saturá i ku no tin kolesteròl, ku eksepshon di koko ku ta kontené un gran kantidat di vèt saturá.
E poder di anti-oksidante di e vitaminanan E i C a mustra un papel importante den prevenshon di malesanan di kurason, kanser i enbehesimentu. Fruta ta duna un grupo di alimentashon ku ta indispensabel pa nos salú i bienestar. Fruta ta sinónimo di salú pa e siguiente motibunan: Su gran kantidat di awa ku e ta kontené ta fasilitá eliminashon di tóksiko di nos organismo i ta yuda mantené nos hidratá. Su aporte di fibra ta yuda regulá e funshonamentu di nos intestinonan i ta evitá o koregí konstipashon. Nan ta kasi e fuente eksklusivo di vitamina C. Nan ta kontené anti-oksidante ku ta protegé enfermedatnan relashoná ku degenerashon di e sistema nèrvioso, malesa k ardiovaskular, inkluso kanser.
Tin kuater grupo bou di kual nan ta klasifiká e frutanan: ásido, semi-ásido, dushi i esnan neutral. E grupo di mas grandi ta esnan dushi i esun di mas chikí ta esnan neutral. Nan ta ser karakterisá pa nan kapasidat ekselente di baha kolesteròl i e ásido úriko (urinezuur) pa su kontenido haltu den ásido i kompleho.
Frutanan ásido
Nan ta ser karakterisá pa nan kapasidat ekselente di baha kolesteròl i e ásido úriko (urinezuur) pa su kontenido haltu den ásido i kompleho. Den e grupo aki nos tin entre otro: anasa, parchita, tamarein, lamunchi, mandarein i tur otro fruta sítriko ku eksepshon di sitrun.
Frutanan Semi-ásido
Ta e frutanan ku ta mas simpel ku esnan ásido, pasobra nan ta kontené ásido menos fuerte. Nan ta kontené elementonan manera ‘cyaanzout’ i nan ta riku na proteina. Den e grupo aki nos tin entre otro: tomati, aprikòt i stròbèri.
Frutanan Neutral
Nan ta ser karakterisá prinsipalmente pa e echo ku nan ta sin sabor, riku na proteina i mineral, elementonan ku ta keda tras i vitamina. Den e
grupo aki nos ta haña: koko, nechi, pinda i almendra.
Alimentu esenshal pa
un bon salú