E meta primordial di e anotashon di preis aki ta pa fasilitá kompra i asina duna un bista di unda ta kumbiní pa kumpra materialnan pa skol. Mester enfatisá ku preisnan di artíkulonan pa skol no ta kai bou di un preis máksimo stipulá pa gobièrnu di Kòrsou. Esaki ta nifiká ku kada negoshante ta liber pa pone su mes preis. Den e anotashon di preis aki no a hasi komparashon di e kalidat di artíkulonan.
E establesimentunan ku a forma parti di e anotashon di preis aki ta: Office Stop, La Curaçao Zeelandia, Curaçao Office Supply, Mensing Caminada, Multi Centrum 2000, Señor Barata, Super Barata, Bruna, Office System, Casa Cesar, Building Depot, Home Plus st. Maria i Zeelandia, Samsom Chobolobo, Jan Noorduynweg i Colon, Samsom Digital Plus, Martis Agencies, Alankar i Good Friends.
Mihó surtí
For di nos anotashon di preis, Samsom Digital Plus a resultá e establesimentunan mihó surtí ku 60 artíkulo di e 63 artíkulonan ku a keda pre selektá. Na di dos lugá ku un kantidat di 52 artíkulo a resultá Samsom Chobolobo i na di tres lugá Casa Cesar ku un kantidat di 50 artíkulo.
Preisnan variá
Fundashon pa Konsumidó a tuma nota di un kantidat di markanan di artíkulonan pa skol disponibel na e diferente establesimentunan. Tur e variashon di markanan aki ta brinda e posibilidat pa konsumidónan por hasi nan eskoho konsientemente. Por ehèmpel e agènda ku plachi di mas barata ta optenibel na La Curacao na balor di fl. 7.50. Un agènda sin plachi na un preis mas kumbiniente ta kosta fl. 7.20 i ta optenibel na Bruna. Pa loke ta trata dikshonario marka Prisma, esun di mas barata ta kosta fl. 14.95 na Home Plus Sta. Maria i Zeelandia. Komo ultimo ehempel ta ‘calculator’.
Pa loke ta trata Casio scientific calculator fx 82E5 plus, esaki ta optenibel na un preis mas barata na Señor
Barata pa fl. 27.99
Fundashon pa Konsumidó ta brinda mayornan i tur sobra konsumidónan un lista ku tur e establesimentunan, e artíkulonan disponibel i nan preis. Por risibí e lista di anotashon di preis aki, dor di manda nos un e-mail na [email protected].
Pa finalisá, Fundashon pa Konsumidó ke probechá di e oportunidat pa deseá nos
muchanan un aña
eskolar sumamente
eksitoso. Un aña
den kua disiplina
i trabou duru
mester ta e
base
fundamental
pa alkansá e
meta deseá.
Un aña eskolar nobo ta bai ranka sali i komo mayor, edukadó òf studiante bo mester ta bon informá di tur loke ta trata preisnan di artíkulonan pa skol. Pa e motibu aki, Fundashon pa Konsumidó konhuntamente ku Ministerio di Desaroyo Ekonómiko (MEO), a anotá preis di un kantidat di 63 material di skol na un total di 20 establesimentu rònt Kòrsou.
ANOTASHON DI PREIS
Back To School