SUPERFOODS
‘Superfoods’ ta produktonan alimentisio ku tin un influensia positivo riba nos kurpa. Nan ta protehá nos kontra enfermedat manera kanser òf enfermedatnan kardiovaskular. Tin diferente tipo di ‘superfood’, pero awe nos ta para ketu riba e bèrdat di ‘Chiazaad’ (simia di chia).
E bèrdat:
• Un kuchara di Chiazaad ta kontené e rekomendashon diario di e
kantidat di omega 3 fèt ásido (alfa-linoleenzuur).
• Riku na kalsio i fibra.
• Un bon suplemento pa personanan ku ta vegetario.
Kiko ta 'Chiazaad'?
Chiazaad ta bini for di e palu Salvia Hispanica, mihó konosí
komo e palu di Chia. E palu di Chia aki ta bini di Mexico i ta
famia di e konosido palu di menta. E flornan di e palu aki ta
produsí simianan chikí i ku tin paresido na simia di amapola.
E palu di Chia a wòrdu uza pa años dor di e tribunan di Maya i Azteka komo kuminda i remedi pa sana diferente malesa. E simianan aki tabata keda uzá pa oumentá energia i e kapasidat di resistensia di e kurpa humano. Pues ya bo sa, na luga di bebe kualke ‘energydrink’ pa oumenta bo energia of resistensia? Meskla e simia di Chia den por ehèmpel yogurt, papa òf komo ingrediente pa traha kualke batido. Fásil i saludabel.