Segun e tabel alimentisio Hulandes, kashupete tin 615 kilokaloria pa kada 100gram. Pero segun un investigashon Merikano, ta resultá ku e nechinan aki tin 489 kilokaloria pa 100gram. Pa e investigashon aki a hasi uso di desecho i urina di 18 persona ku a partisipá na investigashon aki, siguiendo un dieta ku tabata konsistí entre otro di kashupete.
Motibu di e diferensha (den kaloria) ta sinta den e echo ku nos kurpa ta digerí nechi ménos fásil ku e ta digerí otro alimentunan. Konsekuentemente basta kaloria ta bandoná e kurpa pa via di urina i e shushi. E sistema di kalkulá e balor energétiko den alimentunan si ta tene kuenta ku e partikularidat aki, pero esaki tambe ta basá riba un promedio. For di algun otro estudionan hasí ta resaltá ku otro tipo di nechinan, manera amandel i pistacho, den práktika tambe tin ménos kaloria ku riba e empake ta stipulá.
Ta bon pa bo sa: Un man yen di nechi ta bon pa bo salú. Us’é diariamente. Konsumo diario di nechi ta òf or yuda prevení e.o. malesanan di kurason, e yuda bon tambe kontra kanser di tripa i pulmon. Ta importante si pa usa nechi no-prosesá, sin suku òf salu agregá.
Kashupete tin ménos kaloria ku bo ta pensa.
Kon importante un bon desayuno ta?
Abo ta unu ku ta desayuná tur mainta òf bo ta di esnan ku no ta mira un balor pa kibra e ayuno tur mainta? Esaki ta un artíkulo interesante ku nos a topa den Consumentenbond su revista di salú ku nos ke komparti ku boso.
Aparentemente no tin korelashon entre desayuná tur mainta i mantenshon di bo peso i kimamentu di vèt. Tambe e idea ku tin ku si bo kome bo promé kuminda mas lat den dia bo ta kome mas tantu, no ta algu ku ta backup pa medio di un investigashon, segun algun investigadó Oustraliano.
E investigadónan aki a studia resultado di 13 investigashon hasi primordialmente na Merka i Reino Uni. Personanan ku ta desayuná religiosamente tur dia, tabata kome mas tantu ku esnan ku no ta batata hasi esaki.
Pues, téknikamente nan tabata ingeri mas tantu (kaloria) ku esnan ku no ta kome mainta. Loke si e investigadónan aki ke apuntá ku e kalidat dje investigashonnan ku nan a studia, talbes ta poko pober i ku mester hasi investigashonnan mas ekstenso i profundo pa por saka konklushonnan duradero. Hopi dòkter, dietista i esnan vèrsá den e materia di nutrishon, ta rekomendá pa bo kome tur mainta, ya ku esaki ta aselerá bo metabolismo, loke a lo largo por yuda ku pèrdida di peso.