DEN KUA BO TA BAI KORE?
un outo di gasolin òf eléktriko
Ku e promé presentashon i promoshon pa outo eléktriko nos merkado ta konsiente di e eksistensia i posibilidat pa kore un outo eléktriko. Ta momentu tambe pa Fundashon pa Konsumidó duna atenshon na e posibilidat di eskoho nobo pa abo konsumidó. Nos merkado ta kla pa outo eléktriko? I abo konsumidó, un outo eléktriko ta algu pa bo? Fundashon pa konsumidó ta pone algun aspekto i komparashon riba un rei pa bo haña un mihó bista.
Ku outonan eléktriko ta bon pa nos medio ambiente no ta un sekreto pa niun hende. Un outo eléktriko no ta saka gasnan dañino pa nos salú i su ‘kombustibel’ ta keda prosesá di un manera mas “bèrdè”. Pero tin desbentaha tambe na e eskoho pa un outo eléktriko? Kiko nos mester tene kuenta na momentu di
USO DI OUTO
Kuantu bo ta usa òf kore bo outo? Bo ta kore bai Banda Bou tur dia òf bo ta usa e outo solamente pa bai trabou bin kas bèk? banda di kas? kuantu bo por kore ku un bateria yen di un outo eléktriko ta dependé di algun faktor: e potensia di e motor i kapasidat di e bateria. Esaki por yega na un estimashon di 200 km promedio. For di komparashonnan ku Fundashon pa Konsumidó a hasi onlain bo ta konstatá ku tin hopi faktor ku ta di influensia riba un bon bista. Lòs di e klase di outo (grandura di e outo i motor) tambe faktornan variabel manera preis di gasolin, kuantu bo ta kore pa aña i kon largu bo ke keda ku e outo ta di importansia pa un bon eskoho.
KARGA BO OUTO
Ku bo outo di gasolin bo ta lora na pòmp, paga yena bo tanki i sigui kore. Tur esaki den ménos ku 5 minüt. Esaki sigur ta otro. Si bo kis pa karga bo outo na kas lo por dura entre 6 pa 14 ora. Na puntonan di karga esaki por dura entre 4 pa 8 ora. Esakinan ta indikashon ya ku ta dependé di e grandura di e bateria i e velosidat di e punto di karga. Kon ku bai bin, yega tènk bai no ta un opshon ku un outo eléktriko. Esei ta pon’é den desbentaha serka algun, pero otro por bisa ku e ta pone karga anochi na kas i us’é siguiente dia. Por último, mirando ku e kore eléktriko ta pará den sapatunan di mucha, puntonan di karga lo ta mas skars kompará ku den eksterior. I si bo ta biba den un apartamento i bo por pone bo outo serka di bo kas, lo bira mas difísil pa bo karga bo outo.
GASTUNAN
Komparashon di gastunan entre un outo eléktriko i un di gasolin ta dependé manera ya bisá, di diferente faktor. Laga nos trata di pone esnan mas importante riba un rei.