E BENEFISIO DI TIN UN RATU PA NOS MES!
BO SALÚ
Pues, for di kuminsamentu di bo bahamentu di peso, kòrda riba e importansia di aktividat físiko, i stimulá esaki tambe. Mas despues, moveshon físiko ta yuda ku un mihó repartishon di e masa di vèt i masa di spir. Dor di moveshon físiko, mas vèt ta bai pèrdí i mas masa di spir ta desaroyá. E desaroyo di masa di spir ta okashoná peso èkstra sí, pero lo bo ‘parse mas delegá’. Ademas, no tin ku lubidá e efekto sikológiko, por ehèmpel e efekto ku esei tin riba bo motivashon. Pa un parti, moveshon ta parse di ta distraí un hende su mente for di e problema di ‘tene dieta’. Hende ku ta hasi deporte ademas di tene dieta ta wak e asuntu akí ku un aktitut mas positivo i ta eksperensiá e dieta komo ménos pisá.
Ora nos papia tokante e kantidat di aktividat físiko ku ta nesesario, esei tin di aber ku tres aspekto: kuantu bes (ku kuantu frekuensia), kon largu (durashon di e aktividat) i kon pisá (intensidat).
Algun aktividat adekuá: kanamentu, kore baiskel, djòg, landamentu, subi seru, bula kabuya, baila, rema, subi trapi, kore ròlskats i diferente otro wega ku ta dura largu manera futbòl, basket i fòli.
Èkstra: Pa haña resultado di moveshon, nos mester logra un uso mínimo di energia di 300 kkal pa kada seshon.