Pa finalisá, Fundashon pa Konsumidó ke probechá di e oportunidat pa deseá nos muchanan un aña eskolar sumamente eksitoso. Un aña den kua disiplina i trabou duru mester ta e base fundamental pa alkansá e meta deseá .
Loke bo no tabata sa di
Arizona Iced Tea, un bibida refreskante ku ta duna e impreshon di ta saludabel i ku ta kontené anti oksidante, pa e simpel echo ku e ta te. Pero esaki no ta e kaso. Pa refreskante ku e por ta, Arizona Iced Tea ta kontené un kantidat haltu di suku. Si bo lesa bon riba e etikèt, e bleki di 680ml ta kontené un kantidat di 67 gram di suku, kual ta ekivalente na 13.4 kuchara (thee lepel) di suku. Esaki ta kubri 134% di e límite máksimo i alabes tolerabel di suku agregá, solamente den un bibida.
E konsumo diario di bibidanan ku ekseso di suku manera Arizona Iced Tea por tin efekto riba nos salú, debí ku esaki ta kontribuí na desaroyo di obesidat. Obesidat na su turno ta habri kaminda pa malesanan króniko manera diabétis.
Tambe a keda proba ku oumento di vèt korporal (obesidat) ta un di e motibunan prinsipal ku ta kontribuí na diferente tipo di kanser. Manera kanser na pechu, stoma i igra entre otro.
Fundashon pa Konsumidó ta konsehá pa no bebe tipo di bibidanan aki diariamente. Si bo ke mantené bo mes hidratá, nos ta konsehá pa bebe awa natural. Tambe nos ta konsehá pa bo mes traha bo propio vershon di Te friu na kas. Saludabel, práktiko i segun bo smak.
ARIZONA ICED TEA!