DEN CHIKí
DEN CHIKí
Mi kompania di seguro a avisámi ku si mi mester cliam un biaha mas, nan lo subi mi premi of asta tin chèns di sakami for di e seguro ya ku den e lastu 5 añanan na numeroso okashon mi a hayami den un aksidente I a claim konforme mi pólisa. Pregunta: Seguro por hasi esaki?
Kontesta: Un kompania di seguro, ora e ta nota ku un konsumidó ta claim hopi, por subi e premi, baha e nivel di kobertura òf te asta kanselá bo seguro. Esaki pasobra e rísiko ku den futuro lo tin dañonan ta muchu grandi i no ta atraktivo pa tenebo komo asegurado. Esaki mester ta pone bon kla si den e pólisa di bo seguro i huntu ku esaki mester tin un periodo di aviso di kanselashon mara na dje. Den mayoria kaso bo seguro lo mèldu bo promé ku yega asina leu. Den kualke kaso, pidi bo seguro tòg pa mes splikashon di e posishon aki.
MI KOMPANIA DI SEGURO POR PARA OF SAKAMI FOR DI SEGURO SI MI TA
HOPI?
ARMA BO MES MAKUTU BASIKO E TEMPORADA AKI
Ku e aparente skarsedat i “inflashon” ku tin di i riba sierto alimentunan básiko i kustumbrá riba nos menú, e búskeda di maneranan pa spar algu èkstra i tòg haña loke bo ke, ta bira poko mas fasil, si nos sa di antemano kiko tur nos tin mester (e lista) i kuantu sèn nos tin pa esaki ( presupuesto).
Konseho pa kumpra sabi:
Promé ku sali kas, revisá e kashi kushina i eiskast i traha bo lista di produktonan ku bo lo bai tin mester
Plania bo menúnan di siman. Esaki lo yudabo ekonomisá ya ku lo bo ta kumprando solamente loke bo ta bai tin mester, i e kantidat nesesario. Kuminda ku mester tira afó, ta meskos ku sèn tira afó..!!
Tene bo mes na altura di ofertanan. Oferta ta oferta, basta ta kos ku bo mester di dje na e momentu ei. Si ta produktonan di konsumo chek fecha di vensementu promé bo kumpra esaki.
Si p.e. yoghurt den paki ta den oferta na 70% di deskuento pasobra e fecha di vensementu ta aki 8 dia, analisá pa bo mes ku si bo kumpr’é, si lo bo ta bai usa esaki nan den e tempu definí ei. Si ta si, dal bai i probechá di e oferta..!!
Remplasá loke no tin òf loke no por. Si bo a kustumbrá kome sierto alimentunan ku último tempunan a bira skars òf ta pasa bo límite finansiero, ta konsehabel pa sea remplasá e produktonan aki pa algu otro òf eliminá nan temporalmente di bo makutu di kompra. E eskoho ta di bo. Skohe sabi..!
No mara bo mes na kustumber. Si semper bo a kustumá kumpra tal marka, talbes awor te ora probechá purba algun otro marka i smak. Lo bo por keda gratamente sorpresá ora bo riba ku e smaknan no ta varia dje tantu ei pero den preis si. Bo tabata sa ku tin fábrikanan grandi ta traha e mesun produkto pero ku diferente marka? mesun juice pero ku diferente etikèt?
Pasaboka pa mucha?
Tene kuenta ku un
gran mayoria ta hopi zut
Buskando un hotèl
òf akomodashon
na bo smak?
Si bo ta un persona ku gusta biaha i ke buska e mihó akomodashon posibel, ata aki algun tep kiko bo mester tene kuenta kuné ora bo ta buk bo kaminda di keda.
Chek si e potrètnan i e teksto ta kuadra ku otro.
Potrèt ta un manera fásil pa bo haña un promé impreshon di e lugá ku bo ta buskando. Pero no laga nan gañabo, potrèt so no ta bisa tur kos... Un bon potrèt por ta saká di diferente ángulo ku den realidat ta mustra e lugá mas bunita ku e ta. Un potrèt saka den dia por duna un otro impreshon di e mesun lugá ora ta anochi. Un kamber romántiko pa 2 persona por resultá na bo yegada di ta 2 kama pega na otro. P'esei ta importante pa semper lesa bon e teksto ku ta kompaña e potrètnan. Di otro banda e potrètnan por ta tambe di balor agregá na e teksto. Kaminda talves abo a imaginá ” balkon ku un “zitje” “ komo stulnan kómodo, e akomodashon tabata kiermen djis 2 klapstul. Talbes bo a pensa riba un pisina olímpiko, e potrètnan ta mustrabo aun pisina poko mas moderá.
Kis akomodashonnan ku tin hopi potrèt riba nan website.
Komo un potensial vakashonista lo bo tin gana di tin un bista di tur ángulo i huki di e hotèl òf akomodashon ku bo tin na bista. Di paden di e lugá, di pafó kon akojedor e ta, di e pisina òf e laman ku su awa blou. Di e bar i restorantnan i te asta un bon plato riba mesa. Skohe unu ku ta dunabo di tur parti di e lugá algun potrèt, ku ta lagabo sinti ku e no tin nada di skonde di su lugá.
Chek “reviews” di e lugá.
Mayoria hotel òf akomodashon ku ta respetá su mes tin riba nan página di Internet un sekshon konosí kome “reviews” kaminda vakashonistanan ta ekspresá nan opinion i impreshon di e lugá. Esaki ta dunabo un bon bista kon otronan a eksperensha e lugá. Konsultá tambe sitionan di Internet speshalisá riba biahamentu manera Tripadvisor, Bookings.com. Riba e “sitenan” aki, banda di potrèt bo por haña tambe komentarionan, talbes mas ímparsial. Si tin algu robes, lo bo top’e sigur meimei dje komentarionan.
Pensando òf planiando bo próksimo biahe? Bo a tene kuenta ku e posibilidat di sera un seguro di biaha, pa por si akaso algu mester pasa abo òf bo famia? Kon signifikativo Un seguro di baihe ta eigenlijk?
Pa bo kontesta e preguntanan mas ariba, segun ekspertonan den e materia aki, bo mester sali for di e punto di bista ku bo tin di sigurá bo mes únikamente pa dañonan ku finansieramente bo mes no por karga.
Un ehèmpel:
Si ya bo tin un seguro kontra malesa ku ta kubri e.o. dañonan den eksterior, bo no mester di un seguro èkstra. Si bo a hür un outo all risk, paga bòrg etc etc, tampoko bo mester di un seguro adishonal. Kaminda si un seguro di biahe ta útil i benefisioso ta pa entre otro si bo pèrdè bo maletanan, den kaso bo mester di kuido èkstra òf pa kubri e gastunan di “eigen Risico” di bo mes seguro. Un seguro di biahe ta bon, espesialmente pa personanan ku ta biaha hopi òf si bo ta bai un biahe largu, di mas ku 15 dia.