INGREDIENTE
Pakiko un bon soño djanochi
ta asina importante?
Un par di aña pasa produktonan sin glúten tabata difísil pa haña riba merkado. Awendia tin hopi marka renombrá ku e produktonan aki den nan asortimentu. Lamentablemente no ta semper nan ta e alternativa saludabel pa produktonan regular ku bo ta usa.
Kiko realmente ta glúten?
Glúten ta proteina ku tin den diferente tipo di sereal manera trigo, puspas, spèlt, ròge i kamut. Pues no solamente den pan ku kuki, pero tambe den por ehèmpel sòpi, sous, snup, eiskrim i serbes. Dia pa dia mas tantu hende ta kis pa no kome produktonan ku ta kontené glúten. Por ehèmpel pasó nan ta pensa ku glúten no ta saludabel òf pasó por duna problema ku stoma.
Awendia komementu sin glúten a para bira un ‘hype’, poniendo ku fabrikantenan a kue tene duru i ta ofresiendo produktonan liber di glúten. Pero mester tene na kuenta, ku komementu liber di glúten sin otro alternativa, por kondusí na un sistema di kome ku konsekuensia ku bo por haña bo ku falta di fibra nutritivo, heru, vitamina B1, ásido fóliko, i yodo. Aparte di esei hopi produkto ku ta indiká ku ta liber glúten ta kontené mas suku, salu i vèt ku normal.
Alternativa saludabel liber di glúten
• Zilvervliesrijst;
• Batata;
• Bonchi;
• Berdura;
• Nechi, amandel;
• Fruta;
• Grano: trigo, maishi i maishi chikí;
• Avena ku logo liber di glúten;
• Pan integral liber di glúten ;
• Pasta liber di glúten;
• Crackers liber di glúten;
• Produkto di lechi manera: lechi, yoghurt, keshi blanku garná i keshi
Hulandes;
• Webu;
• Piska, karni i galiña no prosesá. Pues por ehèmpel e chicken cutlet
prosesá ku speserei i paneermeel por kontené hopi glúten )
Bo tabata sa ku e echo ku bo no ta drumi sufisiente ta difikultá vários proseso biológiko den bo kurpa i mente? Un persona ku no ta drumi kòrtiku ta vulnerabel pa vírusnan. Falta di soño por tin influensia riba bo humor i ta deteriorá bo kapasidat di konsentrashon. Kon kada un di e kehonan aki ta manifestá, ta dependé di kada persona i e kantidat di ora ku e ta ta drumi anochi.
Si bo ta un persona ku ta drumi kòrtiku, ta konsehabel pa purba drumi mei ora mas trempan ku bo orario di drumi. Hasi esaki durante un siman i lo bo kuminsá mira un kambio. Trata na minimalisá uzo di kafeina i alkohòl. Paso esakinan por ta faktornan ku ta impedí bo disfrutá di un bon soño.
Por último, ta konsehabel pa trata di drumi i lanta tur dia na e mesun orario. Esaki ta pone ku bo kurpa ta kustumbrá ku e rutina i ta eksigí outomátikamente e kantidat di ora nesesario pa bo por funshoná durante dia.
P’esei ta importante pa bo ta konsiente di e importansia di un bon soño djanochi. Kòrda ku anochi ta pa drumi, pero drumi sufisiente pa por funshoná efisientemente siguiente dia.
ANOCHI TA PA DRUMI!