WARDA
PA MAÑAN
Durante aña 2017 Fundashon pa Konsumidó a hiba un kampaña di konsientisashon, ku e meta pa konsientisá nos konsumidónan riba nan komportashon finansiero.
Ta di gran importansia pa abo komo konsumidó ta na altura di kuantu sèn bo ta saka pa luna. Ora sèn kaba ku nos, hopi bia bo ta tende: “Mi no sa unda mi sèn a bai” òf “Mare fin di luna por yega pa kaba”. Esakinan ta síntomanan di un persona ku no ta konsiente kuantu sèn i na kiko e ta gasta su plaka.
Pa e motibu aki, Fundashon pa Konsumidó a subi kaya i a hasi diferente hende preguntanan manera: kuantu sèn bo ta gasta na paña, komestibel i fast food pa luna? E resultado a wòrdu kompilá den tres diferente fragmento di video. Pa por mira e videonan aki, subi nos wèpsait www.fundashonpakonsumido.org i klek riba galeria di video.
Nos di Fundashon pa Konsumidó ta sumamente kontentu ku e kantidat di reakshon positivo ku nos a bin ta risibí. Nos ta spera ku kada persona por a analisá nan propio komportashon finansiero i ta dispuesto na mehora esaki, si dado kaso esaki ta nesesario. Nos komunidat mester di konsumidónan konsiente i responsabel. Konsumidónan ku no ta gasta pa loko i ku ta warda pa mañan.
Kumpra konsiente i sabi.
Un mensahe di Fundashon pa Konsumidó .
!
Kampaña di konsientisashon