DEN CHIKí
Doño di pakus mes tin mag di disidí
kon e ta duna sèn bek?
Buskando e trahe ideal pa e dianan di fiesta ku ta bini, resientemente un konsumidó a kumpra un shimis masha bunita den un butik renombrá i a paga ku su karchi banko (swipe). Ora e la yega kas e ta pas e shimis i no ta gusta kon e la keda. Mes dia e ta bai bek e butik i pidi ku e por haña si sèn bek. E doño ta indiká ku esaki ta posibel, pero ku su negoshi tin komo regla ku si bo paga ku karchi banko (swipe) bo ta haña bo sèn bek despues di un dia. E doño di e negoshi tin mag di disidí esei?
Kontesta: Si. Un doño di un negoshi mes tin mag di pone su reglanan ora ta trata de kambio òf debolbé un artíkulo bek. Si bo a paga ku bo karchi banko òf otro forma ku no ta sèn kèsh, e komersiante por pasa e sèn bek di mesun forma ku e transakshon original a tuma lugá, esta, e ta buk e sèn bek riba bo kuenta. E siguiente dia e sèn ta riba bo kuenta. Ku otro palabra, e komersiante no ta obligá di dunabo bo sèn bek di forma kèsh, si ta abo konsumidó a kambia di idea pa ku bo kompra.
Dikon e premi ta basá riba e balor nobo (nieuwwaarde) di e outo?
Dikon un kliente ta paga na momentu di sera un seguro pa un outo segunda mano, un premi basá riba e cataloguswaarde di e outo i no riba e balor aktual (dagwaarde) di e outo? E montante sigurá ta e toch e balor aktual di e outo i no e loke e la kosta nobo nobo?
Kontesta: Premi di pólisanan di kobertura kompletu òf limita anto volledig-cascopollissen ta korektamente basá riba e “cataloguswaarde” di e outo. Esaki por lanta interogansha serka e kliente. Kompanianan di seguro ta argumentá ku e premi ku bo ta paga ta sigurábu pa dañonan, manera daño okashoná na un tersera persona, pero tambe bo ta bin na remarke pa un kompensashon den kaso di daño chikí ku bo mes por a okashoná na bo outo ( un bentana kibrá) . Pero si bo dal bo outo segunda mano kibra total lòs, Den mayoria kaso bo no ta risibí e montante kompletu ku bo sigurá p’e. E ora ei si ta e balor aktual di e outo ta konta. Òf bo mester tin un seguro ampliá ku ta den kaso di total lòs ta paga bek e montante kumprá di e outo.