alegando ku e defekto na e vehíkulo tabata eksistí promé ku kompra di e outo. Despues di esaki e konsumidó ta akudí ku su reklamo serka e bendedó di outo mes i eksihí pago di gastunan di reparashon, pa motibu ku segun e konsumidó, e bendedó a bend’e un outo ku pa lei por ser konsiderá unu defektuoso, esta no konforme. E bendedó tambe ta ninga di paga e gastunan di reparashon, argumentando ku ta esakinan ta kai bou di e seguro di garantia di kompania di seguro A. Esaki ta pone e ora ei ku e konsumidó ta hiba tantu e bendedó di outo komo kompania di seguro A. dilanti di Korte i eksigí pago di su gastunan di reparashon. Durante di tratamentu di e kaso e kompania di seguro na promé lugá, ta mustra Korte riba loke tin stipulá den su kondishonnan general i mustra tambe riba e echo ku e vehíkulo ku tur probabilidat tabata unu defektuoso for di un komienso, mirando ku e defekto a presentá su mes den un tempu hopi kòrtiku despues di kompra di e vehíkulo. Korte ta duna kompania di seguro A. rason i ta rechasá demanda di e konsumidó kontra kompania di seguro. Dor di a pèrdè e kaso kontra e kompania di seguro, e konsumidó a hañ’e ta paga gastunan di e proseso bou di kua gastu di Korte i di abogado. Despues di esaki Korte a pasa pa tratamentu di e demanda ku e konsumidó tabatin kontra e bendedó di outo. Resultado di esaki lo ser revelá den nos siguiente edishon di Konsumidó Alertá.
Un kontribushon di abogado Rainey Conquet