DERECHI I DEBER
DERECHI I DEBER
Promé parti
Tin bia e konsumidó por bai Korte ku e komersiante sin manda
karta di inkumplimentu
Lei ta sali for di e punto di bista ku ora surgi konfliktonan hurídiko entre partidonan, esakinan mester keda resolvé pafó di Korte mas tantu ku ta posibel. Den e kuadro aki, mandamentu di kartanan di kobransa, rekordatorio i kartanan di inkumplimentu ta hopi importante, pasobra esakinan por evitá un proseso hudisial den Korte di Hustisia. E deber di manda un karta di inkumplimentu pa e kontrapartido, promé ku hiba esaki Korte ta stipulá eksplísitamente den nos leinan. Sinembargo, Korte di Kasashon a stipulá situashonnan den kua mandamentu di karta di inkumplimentu lo por keda atras. Un situashon asin’aki a presentá na momentu ku un konsumidó a kumpra un outo segunda mano serka un bendedó di outo. Na momentu ku a sera e kompra, e bendedó di outo a duna e konsumidó garantia ku den kaso ku algu falta e outo promé ku 6 luna pasa, e gastunan di reparashon lo keda kubri pa kompania di seguro A. Sinembargo, den e kondishonnan general di seguro A. tin buta ku si konstatá ku e defekto na e outo ta unu ku tabata eksistí promé ku e konsumidó a kumpra e outo, e kompania di seguro lo no kubri e gastunan. Asina a sosodé ku den un tempu kòrtiku despues di a kumpra e vehíkulo, a bin konstatá un defekto na e outo i e kunsumidó ta akudí promé serka kompania di seguro A. konforme e akuerdo di kompra. E kompania di seguro ta ninga sinembargo, di kubri e gastunan di reparashon,