kima
evitÁ di malgastÁ awa den bo kas
Evitá gastamentu di awa no ta solamente un komportashon sensato pero e tambe ta un señal ku nos ta konsiente di e echo ku mas bo usa, mas bo tin di paga. I awa ta un rekurso asina indispensabel i presioso ku ta un krímen pa lag’é bai pèrdí pòrnada asina. P’esei ta importante pa nos siña nos mes i nos yunan pa kuida nos awa, sigur si nos sa ku esaki ta bal muchu mas ku “dòs plaka”.
Tin hopi manera ku nos por yuda kontrolá kuantu awa nos ta usa pa luna sin tin ku sinti ku nos a kambia nos kustumber di usa awa den nos kas. 7 tep fásil pa tene kuenta kuné:
• Kontrolá ku regularidat bo pipanan di awa
pa evitá ku bo por tin lèkashi sin bo ta na
altura. Kòrda ku lèkashi paden di bo kurá ta kai
bou di bo kuenta I ta abo tin di paga pa esaki.
• Revisá ku regularidat bo kranchinan di awa,
tantu paden komo pafó di kas. Wak si nan ta
sera bon i no ta lèk.
• Si bo ta bai di biahe, kòrda sera e kabes di
kranchi pafó i pone un kandal riba esaki.
Asina bo ta evitá ku malechornan ta hòrta
bo awa.
• Chèk tambe bo vlòter di wc. Esaki tambe
por kosta bo hopi awa si e no ta traha bon.
• Purba laba paña 1 pa 2 biaha pa siman.
Konsehabel ta pa laba mas tantu paña
pareu si ta posibel. Di e forma aki bo ta evitá
malgastá no solamente awa, pero tambe
koriente.
• Resiklá bo awa di wasmashin dor di muha
e matanan ku esaki.
• No laga awa ta kore pòrnada ora ta baña òf
spula boka.
• Na final, tur luna chèk bo faktura di awa i
kontrolá kuantu kùp bo a usa. Si bo nota
kualke iregularidat, pasa riba e tepnan di
nobo.