Ku un karta ofisial di Banko Sentral di Kòrsou i
St. Maarten a keda konfirmá na Fundashon pa Konsumidó ku porfin lo bini un paro na interesnan ekstremadamente haltu ku kompanianan fiadó di sèn ta asotá e pober konsumidó den nesesidat di un fiansa.
Pa algun aña kaba nos fundashon ta den kombersashon ku Banko Sentral pa yega na un interes máksimo pa fiansanan aki na Kòrsou. Manera ya menshoná den pasado, tin diferente kompania di fiansa ku ta kobra interesnan eksesivamente haltu pa montante fiá relativamente chikí. Fundashon pa Konsumidó a denunsia e situashon alarmante aki na vários okashon i a sinta na mesa ku representantenan di Banko Sentral pa yega na un solushon. Sigur mirando ku na kasi tur pais na mundu konsumidónan ta keda protehá kontra di e asina yamá “Loan Sharks” ku ta fia sèn sin tene konsiderashon ku si esun ku fia por paga bèk.
A base di nos petishon, Banko Sentral a emití preskripshonnan nobo den kua entrante promé di mei lo bini mihó reglanan pa transparensha di kondishonnan di fiansa i pa promé di yanüari 2016 lo emití un interes máksimo ku tur hende mester tene nan mes na dje. Esaki lo bai konta pa tur instituto finansiero i tambe e kompanianan ku tin dispensashon di Banko Sentral pa duna fiansa, entre kua kompanianan dunadó di bòn i tambe e kompanianan ku ta fia sèn sin kontrolá situashon finansiero di e kliente. Lesa den nos sekshon di “Notisia” e artíkulo tokante di kambionan ku lo keda efektuá for di promé di mei próksimo pa asina bo ta na altura di bo derechinan ora bo ke hasi un fiansa.
Sigur un punto interesante ku mi ta aksentuá ta e prohibishon pa kompanianan finansiero pa pone komo eksihensha pa un kliente tuma un seguro serka un kompania di seguro spesífiko pa por haña un fiansa. Kada kliente tin e derechi di sera su seguro serka e kompania ku e ta deseá i lo mester firma, si akaso tin un seguro mará na un fiansa, ku e ta sera esaki di propio boluntat i no bou di preshon òf komo kondishon pa haña un fiansa.
interes mÁksimo riba fiansa pa konsumidÓ
Marc Marshall
Direktor
Editorial
PRÓLOGO
diFundashon pa Konsumidóa internashonal di derechinan di konsumidÓ
Entrante 1 di yanuari 2016: