IMPOSIBEL
Despensa...pero...
e debe a kadukÁ!
Den e edishon di e luna aki Fundashon pa Konsumidó ta relata un kaso den kua un kompania di fiansa ta kobra konsumidó un debe atrasá di kasi 20aña bieu. I tur esaki ta sali na kla, despues kukonsumidó a bai apliká pa un fiansa.
Kuminsamentu di aña 2014 konsumidó a bai hasi un fiansa na kompania “X”. Konsumidó a yena tur su papelnan korektamente pero despues di dia e mester a komprondé ku e lo no por haña e fiansa ya ku aparentemente e tin un debe atras for di aña 1995. Un debe bieu, ku segun konsumidó tampoko e kompania “X” a manda kobr’é i ku defakto e tin sigur ku nunka e fiansa ei a wòrdu akordá. Konsumidó a pidi e kompania pa mustr’é pruebanan ku bèrdat e la haña e fiansa pero e kompania no por a mustr’é esakinan.
Komo konsumidó ta para ariba ku e no ta paga nada ya ku na su konosementu e no tin fiansa òf debe atrasá, e kompania di fiansa a manda e kaso pa un deurwaarder kobra e montante habrí i supsekuentemente si konsumidó no paga, pa pone beslag riba konsumidó su propiedatnan. Konsumidó desesperá a buska asistensha i intermediashon di Fundashon pa Konsumidó pa asina yud’é resolvé i aklará e kaso aki, ya ku si no kita òf sera e kaso, nunka konsumidó lo por hasi un fiansa otro kaminda ya ku su nòmber ta keda marká komo un mal pagadó. Fundashon pa Konsumidó despues di a studia e kaso i a bolbe haña konfirmashon di konsumidó ku nunka e la risibí tal fiansa, a tuma kontakto ku e deurwaarder i pidi esaki e dokumentunan ku ta konfirmá ku e fiansa a wòrdu otorgá na nos kliente.
Deurwaarder a manda algun dokumento di e kaso pa nos fundashon, pero a resultá ku esakinan tabata mas e dokumentunan ku ta mustra ku bèrdat konsumidó a hasi petishon pa un fiansa. Kopia di e chèk òf forma di pago òf ki dia e pago a ser hasi, si nos no a risibí di e deurwaarder. Mirando ku nos no ta kedando kla ku e kaso aki, Fundashon pa Konsumidó seguidamente a hasi uso di e posibilidatku lei ta permití i hasi apelashon di verjaring di e “supuesto” debe aki. Fundashon pa Konsumidó ta en espera di reakshon di e deurwaarder den e kaso aki.