1. Saka bo telefòn for di awa: Salb’é mes ora. Si el a kai den awa dushi e
chèns ku e por keda bon ta mas grandi ku si el a kai den laman, serbes
òf kòfi.
2. No send'é: Bo por provoká un kortosirkuito òf esaki por dañ'é pa
semper. Anto daña pa semper.
3. Desmantelá e telefòn i lag’é seka: Separá e bateria, e SIM i e
SD-card for di e telefòn. Si kada kos ta separá for di e telefòn esaki ta
pone ku e por seka mas lihé.
4. Un triki “Chines”: Esaki no ta rekerí uso di Feun, Fèn, radiator òf
kualkier otro aparato (bo por karga e telefòn) . Loke bo tin ku hasi ta
hinka e komponentenan (bateria, SIM ect) di e telefòn den un baki yena
ku aros kurú (seku).
5. Pasenshi: Warda 24 ora i despues purba di sendé. Si ainda e no ta
traha lag’é den e baki di aros 24 ora mas. I si bo ta superstisioso krusa
bo dede nan. No pèrdè speransa. A keda komprobá esaki den
laboratorio ku mayoria di e telefònnan ku a muha por keda reskatá. Un
kos si: bo mester sigui tur e 5 stapnan aki sin desviá for di un.
Lubidá bo garantia
Awó e mal notisianan ta bini. Si bo telefòn muha bo ta pèrdè bo garantia. No purba di gaña ofer di esaki. Den un telefòn tin un stèker ku ta kambia di kolo ora esaki bin den kontakto ku awa. Pero awor kiko ta keda konsiderá muhá? Tur telefòn tin un kódigo ku ta kuminsá ku e lèternan IP anto e ta sigui pa dos number. E promé number ta indiká su resistensia na stòf. E di dos number ta indiká e resistensia na awa. Si e di dos number di e kódigo IP di bo telefon ta mas abou ku 7, e telefòn no tin mag di muha. Nunka, nada nada. Si e ta mas ku 7, e por bai 1 meter bou di awa i e por keda maksimal 30 minüt bou di awa.
Hasta telefonnan ku por bai bou di awa, tin algun lèter chikí pa tene na kuenta kuné:
• Bo mester sera tur tapa di e konektornan di bo telefon korektamente.
• E tèstnan ku a hasi ku e telefonnan pa sa si nan por bai bou di awa ta
keda hasí ku awa di bebe. Bou awa di laman e resultado por ta diferente.