Kon pa usa Érko
Pone atenshon na konsumo di
energia i kontrolá e gas den e èrko tambe. Si bo no ta eksperto, yama un profeshonal pa nan bin kontrolá òf yena gas den e aparato. Ekseso di preshon, lèkashe òf otro defektonan por afektá funshonamentu i efektividat di e aparato.
Aislamentu ta e punto klave.
Kontrolá si bo porta i bentananan ta bon será ora bo tin bo èrko sendé. Esaki ta fasilitá e friamentu di e espasio i ta evitá e gastamentu di koriente.
Otro manera pa spar koriente
ta evitá ku e aparato keda sendé ora no tin niun hende den e kamber òf kas. Programá e èrko na un temperatura i ku e ora ku esaki mester stòp òf kuminsá traha bek. Ora bo ta bai drumi, hasi uso di e método di “sleep” òf “night” i asina e aparato ta paga outomátikamente despues di por ehèmpel 6 ora den funshon.
No stoba e parti pafó di e èrko.
Semper evitá tapa e entrada i salida di e airu di e kòmpresor, ya e no tin nodi di traha fòrsá.
KOMPARÁ I KUMPRA
Un èrko ta un bon manera pa kombatí kalor den e temporada aki i mantené un temperatura fresku i agradabel den bo kas. Aki ta sigui algun konseho pa yuda bo pa no gasta di mas i hasi un mihó uso di bo èrko.
Bo ta bai instalá un erko na bo kas?
Kompará ora bo ta kumpra, i wak bon kuantu potensha (BTU) bo tin mester promé ku bo kumpra pa no resultá ku e èrko no ta akapará e espasio. Bo tin e aparato kaba, un konseho ta pa bo hasi mihó uzo di esaki. Un regla di oro pa bo redusí uso di bo èrko den e temporada di mas kalor di aña ta di evitá di eksponé e espasio na lus di solo direkto durante di dia. Sera bentana- i kortinanan, asina bo kas lo keda mas fresku.
Hasi mihó uso
No pone fluho di airu friu
direktamente riba e personanan. Esaki no ta agradabel i tampoko bon pa salú di hende. E aparatonan aki normalmente ta permití sirkulashon variabel regularmente i konforme ku e distansha, tantu horizontal komo vertikalmente.
Ahustá temperatura entre
24 y 26 grado Celsius. Esei ta sufisiente pa kombatí e airu kayente sin gastunan haltu di koriente. Si bo pone e èrko na un temperatura di 5 grado mas abou ku e temperatura pafó, lo bo haña kaba e sensashon di airu fresku paden.
Kon pa drecha un telefÒn ku a muha
Awa por kai, spat riba bo, muhá bo paña, òf por ta, abo a kai na awa i muha papa papa. Por ta nada no ta pasa bo mes, pero bo telefon si por daña. E kos ei por matabo! Pero tin manera di resusitá bo telefon. Si bo no tin un telefon resistente na awa, manera un Experia Z di Sony òf un Samsung Galaxy S5, bo mester di e konsehonan aki si nan tira bo den un pisina anto bo tin bo telefòn den bo saku:
Salba un telefòn ku a hoga
Bo telefon a muha i e no ta traha mas? No yora, ainda tin speransa pero bo tin ku reakshoná lihé. Bo tin ku sigui e 5 paso nan aki mas lihé ku ta posibel: