pregunta
di luna
IMPOSIBEL
Un abogado Pro-Deo ta duna asistensha legal na e personanan sin- òf di ménos rekurso. Ki ora un persona ta ser konsiderá komo tal?
a. Ta konsiderá un persona komo sin- òf di ménos
rekurso den kasonan sivil (ku eksepshon di
konflikto laboral) òf kasonan penal, si su entrada
di trabou ta igual òf ménos ku salario mínimo di
kategoria I.
b. Bou di entrada nos ta komprondé: entrada neto
pa impuesto riba entrada.
c. Bou di entrada ta wòrdu komprondé: salario
bruto for di trabou, eventualmente
komplementá ku entrada for di trabou
sekundario si akaso e entrada aki ta forma por lo
ménos 1/10 parti di e entrada bruto total pa aña.
Kondishonnan pa bin na remarke pa un abogado Pro-Deo
Den kasonan Sivil, ku eksepshon di konflikto laboral òf kasonan penal, e persona tin di aserká e sekshon di asistensia hurídiko grátis di Direkshon Asuntunan Laboral na Kòrsou, ku un deklarashon di impuesto. E deklarashon aki bo por haña na Ofisina di Inspekshon di Impuesto na Regentesselaan z/n.
Den kaso di un konflikto laboral tambe mester aserká e Direkshon ariba menshoná ku un kopia di salaris-slip òf salaris-slipnan resien i asina leu ku ta aplikabel riba e personan su situashon, ku e deklarashon di pago di e kontribushon di Landsontvanger.
Si akaso e persona ku ke apliká pa asistensha hurídiko grátis no por entregá su salaris-slip, e tin ku bin ku un deklarashon di impuesto di Inspekshon di Impuesto, basta ku riba e deklarashon ta aparesé tantu e entrada bruto komo e entrada nèto for di trabou.
A ninga mi petishon pa asistensia hurídiko grátis. Esaki por?
Si. Den un kaso asina ainda e konsumidó tin e posibilidat pa aserká e Minister di Hustisia. E por disidí ku den kasonan eksepshonal pa otorgá e persona en kuestion un karchi tòg, basta su situashon ekonómiko ta di tal índole, ku ounke e entrada (segun impuesto) ta surpasá e suma preskribí, no por konsidera bo den posishon pa paga gastunan di un abogado.
Ki paso bo por tuma, si na bo huisio bo abogado no ta dedikando sufisiente atenshon na bo kaso?
Den un kaso asina bo por pone e Minister di Hustisia ku argumentunan fundá na altura, kende na su turno por ordená un investigashon den esaki.
Informashon di Ministerio di Desaroyo Sosial, Labor i Bienestar
PREGUNTA DI LUNA
NULLA
ID FUSCE