Kanguq | Page 7

ᐊᓂᕐᓃᕈᓚᐅᔪᑎᓪᓗᒍ ᐊᖓᔪᖅᑳᕗᑦ ᐃᓓ ᐃᓓᔭᓯᐊᐱᒃ
ᓇᑦᓯᐊᓕᐅᑦ ᑕᖅᑭᖓᓂ ᐅᒡᒍᐊᓂᖃᒻᒪᕆᓚᐅᔪᕗᒍᑦ
ᓄᓇᕕᒻᒥᐅᓕᒫᑎᒍᑦ ᑕᑦᓱᒧᖓ ᕿᒪᑦᑕᐅᓂᑦᑎᓄᑦ. ᐃᓓ
ᐊᖏᕐᓯᒪᓂᖃᒻᒪᕆᓚᐅᔪᒻᒪᑦ ᐱᒍᔾᔨᓂᕐᒥᓂᒃ ᑯᐊᐸᓐᓂᒥᒃ,
ᐱᓇᓱᐊᕐᐸᓱᓂᓗ ᖃᐅᑕᒪᑦ ᑯᐊᐸᒥᓄᑦ ᓄᓇᓕᒻᒥᓂ,
ᐃᓚᒌᓴᒃᑯᓗ ᐃᓱᐊᕐᓂᐹᒃᑯᑦ ᐊᐅᓚᓂᖃᖁᑦᓱᒋᑦ.
ᐃᓚᒋᔭᐅᕙᓐᓂᖓ ᐲᕐᕙᓚᑦᓯᒪᓚᖓᕗᖅ ᐊᒃᓱᑦ.
ᐃᓓ ᐃᓓᔭᓯᐊᐱᒃ ᐃᓅᓕᕐᑐᕕᓂᖅ 1936ᒥ
ᓄᓇᓕᐊᕈᕐᒥ ᓇᐅᓕᒐᕐᕕᐅᑉ ᑰᖓᓂ, ᐃᓄᒃᔪᐊᑉ ᑕᕐᕋᖓᓂ,
ᐃᓄᒃᔪᐊᒥᐅᒍᓯᒪᑦᓱᓂᓗ 1965ᒥᓂᑦ. ᐊᖓᔪᒋᔭᐅᓯᒪᔪᖅ
ᓰᒥᐅᓂᒧᑦ, ᐃᓅᒍᓐᓀᒥᔪᒧᑦ, ᖄᔨ ᐃᓓᔭᓯᐊᐱᒻᒧᓗ;
ᑕᒃᑯᐊᓗ ᑕᒪᕐᒥᒃ ᓴᓇᐅᒐᕐᓯᑎᐅᖃᑕᐅᓯᒪᔫᒃ ᓄᓇᓕᒥᓂ.
ᓯᕗᓂᐊᒍᑦ ᓄᓕᐊᖏᓚᐅᕐᓯᒪᔪᖅ, ᐊᕐᓇᕆᓚᐅᕐᑕᖓ ᐄᕙ
ᑕᑯᒥᓇᕈᑎᓕᐅᕐᐸᓚᐅᔪᒻᒥᔪᖅ, ᓱᓕᒋᐊᓪᓚᒃ ᐱᖃᑎᒥᓂᑦ
ᒍᐃᓂ ᐊᕐᓇᒥᑦᓵᒥᒃ ᕿᒣᓚᐅᔪᒋᕗᖅ, ᕿᑐᕐᖓᒥᓂᓗ ᓘᓯᒥᒃ,
ᐋᓂᒥᒃ, ᔪᐊᓇᓯ ᐃᓓᔭᓯᐊᐱᒥᓗ.
ᐃᕐᖃᐅᒪᑦᓯᓂᕐᒥᒍᑦ ᐅᖄᑦᓱᓂ, ᐅᔪᕈᖓ ᔫᐱ ᐅᐃᑖᓗᑦᑐᖅ,
ᐱᓇᓱᑦᑎ ᐃᓚᒌᓴᒃᑯᓂ, ᐃᕐᖃᐅᒪᑦᓯᓂᖃᓚᐅᕐᖁᖅ
ᐃᓚᒌᒍᑦᓱᑎᑦ ᐃᓪᓗᔪᐊᕐᑖᓚᐅᕐᓂᕕᓂᕐᒥᓂᒃ
ᑲᖏᕐᓱᑲᓪᓚᒥ. ᐃᓪᓗᓕᐅᕐᑐᕕᓃᑦ ᐊᖑᑎᓕᒫᑦ
ᐱᔪᓇᑐᓕᒫᑦ ᖁᕕᐊᓱᒻᒪᕆᑦᓱᑎᒃ, ᑐᓴᕐᓴᐅᓯᐊᕐᓇᑎᓪᓗᒍᓗ
ᐅᑭᐊᑦᓴᐅᓕᕋᒥ ᐅᓪᓛᑯᑦ ᓇᑉᐯᒐᓱᐊᕐᑎᓗᒋᑦ. ᔫᐱᐅᑉ
ᐊᔭᖓᑕ ᓂᐱᖓ, ᑐᓴᕐᓴᐅᓯᐊᕐᓱᓂ ᐄᓓᒧᑦ ᙯᒐᓕᕐᑐᕕᓂᖅ
ᐃᓓᑉ ᐊᑎᖓᓂᑦ ᑕᐃᓯᖃᑦᑕᓱᓂ, ᐱᒋᐊᓪᓚᑖᖃᑦᑕᓱᓂᐊᓪᓚᑦ,
ᐊᓱᐃᓚ ᖃᐅᔨᕙᓪᓚᑕᐅᒐᒥ “ᐃᔪᒃᑲᑌᓕᒋᑦ!” ᓚᑦᓱᓂ,
ᐃᓓ ᐃᑯᕐᕋᖃᕐᑎᓗᒍ ᖃᑦᑕᐅᔮᓗᒻᒥᒃ ᐃᓪᓗᓕᐅᕐᓱᑎᒃ.
ᑐᓵᔪᓕᒪᓪᓗ ᐃᔪᕆᓴᓯᔪᕕᓃᑦ! ᐃᓓᑉ ᐃᔪᒃᑲᓂᐅᔭᕐᓂᖓ
ᐊᓕᐊᓀᑦᑑᓕᕐᒪᑦ. ᐃᓓ ᐃᓅᓕᕐᓂᒪᑦ, ᐃᓅᑦᓱᓂᓗ ᐃᓚᒌᑦ
ᓄᓇᓕᐊᕈᕐᓂ ᓄᓇᖃᓱᒍᑎᓪᓗᒋᑦ ᓇᒧᑐᐃᓐᓇᓗ ᓅᓱᒍᑦᓱᑎᑦ,

ᐃᓅᓯᖏᓪᓗ ᐊᓯᑦᔨᓂᒃᑰᑎᓪᓗᒋᑦ
ᓄᓇᓕᐊᕈᕐᒥᐅᕈᖃᑕᓯᒪᑦᓱᑎᒃ
ᐃᓚᒌᕙᓪᓗᐃᑦ, ᓄᓪᓚᕋᑕᕐᓱᑎᒃ
ᓄᓇᓕᒪᕆᓐᓄᑦ.
ᐃᓓ ᖃᐅᔨᒪᔭᐅᑦᓯᐊᓚᐅᕆᕗᖅ
ᓴᓇᐅᒐᕐᓯᑎᐅᓂᑯᖓᓄᑦ
ᖁᓪᓕᓴᔭᕐᓂᒃ. ᓴᓇᐅᒐᖏᓪᓗ
ᑕᑯᔭᑦᓴᐅᖃᑦᑕᓯᒪᑦᓱᑎᒃ
ᐱᒻᒪᕆᐅᑎᓂ ᑕᑯᔭᕐᑐᕕᒻᒥ
ᑲᓇᑕᒥ, ᐊᒥᐊᔨᑲᓂ,
ᔮᐸᓃᓯᒃᑯᓂ, ᓱᐃᕕᑎᓐᑯᓂ,
ᒍᐃᒍᐃᓂ, ᔮᒪᓂᑯᓂᓪᓗ.
ᓴᓇᐅᒐᕐᓯᒪᔭᖏᓪᓗ
ᓂᐅᕕᐊᒍᖃᑦᑕᓯᒪᑦᓱᑎᒃ
ᐊᒥᓱᓄᑦ ᖃᐅᔨᒪᔭᐅᑦᓯᐊᑐᓄᑦ
ᑕᑯᔭᒐᖃᕐᕕᓄᑦ ᐃᓚᐅᑎᓪᓗᒋᑦ
ᐅᑯᐊ, Montréal Museum
of Fine Arts Montreal
(Quebec)-ᒥ, the Museum
of Civilization in Québec
City (Quebec)-ᒥ, the Art Gallery of York University, in Downsview (Ontario)-ᒥ, the Canadian Guild of Crafts, Montréal (Québec)-ᒥ, the
Dennos Museum Center, North-western Michigan College in Michigan (United States)-ᒥ, and
the Museum of Anthropology at the University of British Columbia in Vancouver (British
Columbia)-ᒥᓗ.

1980

ᐃᓚᐅᓯᓚᐅᕐᓯᒪᔪᖅ ᐱᖕᖑᑎᑕᐅᖅᑲᒥᐅᖏᓐᓈᑎᓪᓗᒍ
ᐃᓄᒃᔪᐊᒥ ᑯᐊᐸᖓ ᑲᑎᒪᔨᐅᖃᑕᐅᓯᑦᓱᓂ 1968ᒥ
ᑌᒪᖕᖓᓂᓗ ᐱᕈᕐᐸᓕᐊᑎᑦᓯᖃᑕᐅᑦᓱᓂ ᑯᐊᐸᒥᒃ.
ᐃᓚᐅᔪᒻᒪᕆᐅᑦᓱᓂ ᐊᓯᖃᖕᖏᑐᖁᑎᖃᕐᓂᑯᑦ
ᑌᒪᖕᖓ ᐱᕙᓪᓕᖁᑎᑦᓴᓂᒃ ᐊᔪᐃᓐᓇᖃᑕᐅᑦᓱᓂᓗ
ᐃᓄᒃᔪᐊᑉ ᑯᐊᐸᖓᑕ ᑲᑐᑦᔨᖃᑎᒋᓐᓂᖓᑎᒍᑦ,
ᐅᐱᒪᒍᑎᖃᕐᓱᓂᓗ ᑌᒪᖕᖓᑦ ᑲᒪᔨᖏᑦᑕ,
ᑲᑎᒪᔨᖏᑦᑕᓗ ᑲᒪᒋᔭᖃᑦᓯᐊᓂᖏᓐᓂᒃ, ᐃᓚᐅᖃᑕᐅᒐᒥ,
ᑐᑭᒧᐊᑦᑎᓯᑦᓯᐊᓂᖏᓐᓂ.
ᓱᓱᒋᔭᐅᓯᒪᑦᓱᓂᓗ ᓄᓇᓕᒻᒥ ᓯᕗᓕᕐᑎᐅᖃᑕᐅᓯᒪᓂᕐᒥᒍᑦ,
ᐊᖓᔪᕐᖄᕆᔭᐅᓯᒪᑦᓱᓂ ᐃᓄᒃᔪᐊᑉ ᓄᓇᓕᖓᑕ
ᑲᑎᒪᔨᐊᐱᖏᓐᓄᑦ. ᐃᓚᒋᔭᐅᓯᒪᑦᓱᓂᓗ ᐃᓚᒌᓴᒃᑯᑦ
ᑲᑎᒪᔨᖏᓐᓄᑦ 1970ᓂᑦ ᐊᓪᓚᑦ, ᐊᖓᔪᖅᑳᒍᓯᓚᐅᕐᓯᒪᕗᖅ
ᓯᕗᓪᓕᐹᒥ 1980ᒥ ᐃᓚᒌᓴᒃᑯᓄᑦ.
ᐊᖓᔪᕐᖄᒍᓕᓚᐅᕐᒥᔪᖅ
ᐱᖓᓱᓂ ᐊᕐᕌᒍᓂ ᐊᑑᑎᖅᑲᒥᐅᓂᕐᐹᓂ,
ᐃᓚᐅᒍᒪᓂᕐᒥᓂᓪᓗ ᐅᖃᐅᓯᖃᖃᑦᑌᓈᓚᐅᕐᓱᓂ ᖃᒻᒥᖅ ᓱᓕ
ᑲᔪᓯᒃᑫᔨᓪᓚᕆᐅᖃᑕᐅᒍᒪᓂᕐᒥᓂᒃ ᐃᓚᒌᓴᕐᒥ.
ᐃᓓ ᑐᓂᔨᕕᐅᓂᐊᕐᓂᒥᒃ ᓯᕗᓂᖃᓚᐅᕐᑐᐊᓛᑦ ᑭᓯᐊᓂᓕ
ᐃᓅᒍᓐᓀᓂᖓᑕ ᑭᖑᓂᐊᒍᑦ ᐅᐱᒍᓲᓯᕐᑕᐅᓚᐅᔪᕗᖅ
ᑯᐯᖕᒥ ᑯᐊᐸᑦᑐᓕᒫᑦ ᑲᑐᔾᔩᖃᑎᒌᕝᕕᖓᓂᑦ
ᓇᑦᓯᐊᓕᐅᑦ (ᒫᑦᔨ) 12ᒥ, ᐱᓇᓱᐊᕐᓂᑯᕕᓂᕐᒥᓄᑦ
ᐃᓕᑕᕆᔭᐅᖃᑕᐅᒋᐊᖃᓪᓚᕆᓚᐅᕋᒥ. ᐃᓓ
ᒥᑭᓪᓕᑎᕆᐊᑭᑦᑑᓂᕐᒦᖏᓐᓇᓚᐅᖅᑯᖅ, ᐊᖏᕐᓯᒪᑦᓱᓂ
ᐊᓯᑦᓴᓯᐅᕐᓇᒍᓗ, ᐃᑲᔪᕈᒪᓂᖃᕐᓱᓂ ᐊ