PREVENTIVA E DELIKUENCËS SË TË MITURVE
Këshilli shtetëror dhe këshillat komunale për preventive Këshilli shtetëror është i pavarur dhe mëvetësishëm në punë e përcaktuara me ligj . Këshilli shtetëror përbëhet prej pesëmbëdhjetë anëtarësh që i zgjedh Kuvendi i Republikës së Maqedonisë me mandat prej pesë vjetësh , me të drejtë rizgjedhje , nga të cilët : - shtatë anëtarë të Këshillit shtetëror i propozon ministri i Drejtësisë dhe janë përfaqësues nga : Ministria e Drejtësisë , Ministria e Punës dhe Politikës Sociale , Ministria e Arsimit dhe Shkencës , Ministria e Punëve të Brendshme , Prokuroria Publike e Republikës së Maqedonisë , Gjykata Supreme e Republikës së Maqedonisë dhe Oda e Avokateve të Republikës së Maqedonisë . - tetë anëtarë të Këshillit shtetëror zgjidhen me shpallje publike nga radhët e punëtorëve të dalluar shkencorë dhe profesionalë të cilët punojnë në mbrojtjen e interesave të të miturve , nga të cilët një përfaqësues është nga radhët e organizatave joqeveritare për mbrojtjen e fëmijëve . Gjatë zgjedhjes së anëtareve të Këshillit shtetëror do të ruhet përfaqësimi përkatës dhe i drejtë i qytetarëve të cilët u takojnë të gjitha bashkësive . Në punën e Këshillit shtetëror merr pjesë dhe përfaqësuesi i Avokatit të Popullit . Nga radhët e anëtarëve të zgjedhur Këshilli shtetëror zgjedh kryetarin me mandat prej dy vjetësh , me të drejtë për rizgjedhje .
Këshilli shtetëror i ka këto kompetenca : -miraton Strategji nacionale për preventivë të delikuencës së të miturve ; -miraton programe dhe plane vjetore për realizimin e programit ; -propozon mjete në propozimin e llogarisë buxhetore të Ministrisë së Drejtësisë të nevojshme për punën e tij ; -jep iniciativa për përmirësimin e aktvendimeve ligjore dhe mendime për propozimet e ligjeve me rëndësi për mbrojtjen e të drejtave për të mitur dhe pengimin e delikuencës së të miturve ; - ngre iniciativa për njohjen më të gjerë të qytetarëve me të drejtat e të miturve dhe diskutime për familje të shëndoshë , për mbrojtjen e të miturve nga narkomania , alkoolizmi dhe sëmundje tjetra ngjitëse , për problemin e arsimit dhe edukimit , për sjelljen e mjeteve për informim publik dhe faktorëve tjerë të cilët ndikojnë në parandalimin e delikuencës së të miturve ; -bashkëpunon me organizata dhe trupa ndërkombëtarë , të angazhuar në mbrojtjen e të drejtave të fëmijëve dhe parandalimin e delikuencës së të miturve ; Punët administrative të Këshillit shtetëror i kryen Ministria e Drejtësisë .
Konkluzioni :
Fëmija viktimë e veprës penale i ka të drejtat në vijim : me të të veprohet me respektimin e dinjitetit e tij , të mbrohet nga çfarëdo diskriminimi , të njoftohet për të drejtat e tij në gjuhë të kuptueshme dhe të përshtatshme për moshën e tij , si dhe respektimin e të drejtës së privatësisë , të informohet prindi / ët , ose tutori / ët për të gjitha çështjet që lidhen me veprën penale dhe në lidhje me të dyshuarin , të akuzuarin dhe të dënuarin , fëmija , ose prindi / ët , ose tutori / ët të marrin pjesë në procedurën penale si i dëmtuar me përfshirje në ndjekjen penale ose për realizimin e kërkesës juridike pronësore për dëmin , në mbrojtje të veçantë të sigurisë së tij dhe të sigurisë së familjes së tij , kujdesit dhe vëmendjes nga ana e organeve dhe subjekteve që marrin pjesë në procedurën penale , të drejtë për mbrojtje të veçantë nga viktimizimi sekondar dhe riviktimizimi dhe të drejta për ndihmë psikologjike dhe ndihmë tjetër profesionale dhe mbështetje nga organe , institucione dhe organizata për ndihmë fëmijëve viktima të veprave penale .