Masat alternative Të miturit të madh përgjegjës penal për vepër penale të kryer mund t ’ i kumtohen masat alternative në vijim : - gjykim i kushtëzuar me mbikëqyrje të mbrojtur , - ndërprerje e kushtëzuar e mbajtjes së procedurës ndaj të miturit , dhe - punë me dobi të përgjithshme . Dispozitat e Kodit penal për masat alternative ka të bëjnë edhe në kumtimin e tyre të miturve të mëdhenj , në qoftë se me ligj nuk është përcaktuar ndryshe . Qëllim i masave alternative është që ndaj të miturit të madh përgjegjës penal që të mos zbatohet dënim kur kjo nuk është e domosdoshme për shkak të pengimit të kryerjes së veprave penale dhe kur mund të pritet se paralajmërimi me kërcënimin e dënimit dhe zbatimit të masave të ndihmës , mbrojtjes dhe mbikëqyrjes së lirisë në mënyrë të mjaftueshme do të ndikojë ndaj edukimit , riedukimit dhe zhvillimit të rregullt të tij .
Sanksionet për kundërvajtje Të miturit të ri për kundërvajtje mund t ’ i kumtohet : - masë disiplinore qortim ; ose - masë e mbikëqyrjes së përforcuar nga ana e prindërve ose tutorit ; - masa të mbikëqyrjes së përforcuar nga ana e qendrës . Ndaj masave edukuese të kumtuara për kundërvajtje zbatohen dispozitat për masat edukuese nga ligji . Masa e mbikëqyrjes së përforcuar nuk mund të kumtohet në kohëzgjatje më të shkurtër se tridhjetë ditë as më gjatë se një vit , ndërsa ndaj mbikëqyrjes së përforcuar gjykata mund të përcaktojë mjekim të detyrueshëm të alkoolistëve , narkomanëve dhe obligime tjera të parashikuara me ligj . Të miturit të madh për kundërvajtje mund t ’ i kumtohet masë edukuese me ligj , ndërsa me përjashtim të miturit të madh përgjegjës penal edhe gjobë edhe largim i të huajit nga vendi . Të miturit të madh , me përjashtim mund t ’ i kumtohet gjobë për kundërvajtje nën kushtet e përcaktuara në Ligjin për kundërvajtje . Gjobë për kundërvajtje kumtohet në shumë të përcaktuar e cila nuk mund të jetë më e vogël se 15 euro me kundërvlerë në denarë e as më shumë se 800 euro me kundërvlerë në denarë . Të miturit të cilit për kundërvajtje të bërë i është kumtuar masa edukuese ose gjobë mund t ’ i kumtohet sanksion për kundërvajtje mjekim i detyrueshëm i alkoolistëve dhe narkomanëve nën kushte të parashikuara me Ligjin për kundërvajtjet .
Parashkrimi i zbatimit të sanksioneve Dënimi burgim për të mitur nuk mund të zbatohet nëse kanë kaluar : - dhjetë vjet nga gjykimi burgim për të mitur mbi pesë vjet ; - pesë vjet nga gjykimi burgim për të mitur mbi tre vjet ; dhe - tre vjet nga gjykimi burgim për të mitur deri tre vjet ; Dënim me para nuk mund të zbatohet nëse kanë kaluar dy vjet nga gjykimi i dënimit me para . Zbatimi i dënimeve ndalim të drejtimit me automjet dhe largim i personit të huaj nga vendi parashkruhet kur do të kalojë koha për të cilën janë kumtuar , e nëse largimi është kumtuar për përgjithmonë , kur do të kalojnë pesë vjet nga kumtimi i tij . Zbatimi i masës punë me interes të përgjithshëm , masave të sigurisë dhe sanksioneve për kundërvajtje parashkruhen nëse nga dita e plotfuqishmërisë së aktvendimit për kumtimin e tyre kalojnë një vjet .