Ndaj të miturit për veprim që me ligj është përcaktuar si kundërvajtje mund të shqiptohen sanksione për kundërvajtje të përcaktuara me ligj . Të miturit i shqiptohen masat e sigurisë sipas kushteve të përcaktuara me Kodin penal dhe me ligj . Konfiskimi i pronës dhe i dobisë pronësore dhe sendeve të përfituara me vepra penale dhe kundërvajtje të të miturve , bëhet në pajtim me kushtet e përgjithshme të përcaktuara me Kodin penal . Qëllimi i dënimit përbëhet në ushtrimin e ndikimit të përforcuar ndaj të miturve që në të ardhmen të mos bëjnë vepra penale , si dhe ndaj të miturve të tjerë që të mos kryejnë vepra penale . Sanksioni që i shqiptohet të miturit duhet t ’ i përgjigjet personalitetit të tij , peshës së veprimit që me ligj është përcaktuar si vepër penale ose kundërvajtje dhe pasojave të tij , nevojave të edukimit të tij , riedukimit , arsimimit dhe zhvillimit , për shkak të sigurimit dhe mbrojtjes së interest më të mirë të të miturit . Kur janë plotësuar kushtet ligjore , gjykata kompetente shqipton dënim vetëm nëse është i arsyeshëm shqiptimi i masës së edukimit ose masës alternative . Dënimi që ka të bëjë me privimin nga liria , gjykata kompetente mund ta shqiptojë kur qëllimi i masave edukuese , dënimi ose masat alternative nuk mund të arrihen me masat e ndihmës dhe mbrojtjes .
Llojet e masave edukative Kryerësit të mitur të veprës penale mund t ’ i shqiptohen këto masa edukative : - masa disiplinore : qortim ose udhëzim në qendrën disiplinuese për të mitur , - masat e mbikëqyrjes së përforcuar : nga ana e prindërve ose kujdestarit , familjes që përkujdeset ose nga ana e qendrës dhe - masat e entit : udhëzimi në entin edukues ose në shtëpinë edukuese-korrektuese . Masat disiplinore shqiptohen ndaj të miturit kur nuk ekziston nevoja për masat më afatgjate të edukimit , e veçanërisht nëse ka kryer vepër penale nga pakujdesia ose nga mendjelehtësia . Masat e mbikëqyrjes së përforcuar shqiptohen ndaj të miturit kur ekziston nevoja e masave më afatgjata të edukimit , riedukimit ose shërimit me mbikëqyrje adekuate , kurse nuk është e nevojshme ndarja e plotë e tij nga mjedisi i deriatëhershëm . Masat e entit shqiptohen ndaj të miturit kur ekziston nevoja për masa më afatgjata të edukimit , riedukimit ose shërimit dhe ndarjes së tij të plotë nga mjedisi i deriatëhershëm . Kohëzgjatja e këtyre masave nuk mund të jetë më gjatë se pesë vjet , por më së shumti deri në arritjen e moshës njëzetë e tre vjeçe .
Masat disiplinore Qortimi shqiptohet nëse mjafton vetëm qortimi i të miturit për veprën e kryer penale . Gjatë shqiptimit të qortimit , të miturit do t ’ i bëhet me dije për dëmin nga veprimi i tij dhe do t ’ i tërhiqet vërejtja se në rast të përsëritjes së veprës penale ndaj tij mund të shqiptohet sanksion tjetër penal .
Dërgimi në qendrën disiplinore për të mitur Gjyqi do ta shqiptojë masën , dërgim në qendrën disiplinuese për të mitur kur është e nevojshme me masa adekuate afatshkurta të bëhet ndikim ndaj personalitetit dhe sjelljes së të miturit . Të miturin , të cilit i është shqiptuar kjo masë , gjykata mund ta dërgojë në qendrën disiplinore : - në një numër të caktuar orësh gjatë ditës , në ditë feste , edhe atë më së shumti në katër ditë feste të njëpasnjëshme , - në një numër të caktuar orësh gjatë ditës , por më së shumti një muaj ose - në qëndrim të pandërprerë për një numër të caktuar ditësh , por jo më shumë se njëzet ditë .