ALGEMEEN
Boodskap
van die BD
Mede-Hinterlander,
S
Geluk! Hinterland is vyf jaar jonk!
oos u almal bewus is het Hinterland op 1 Junie sy vyfde verjaardag
gevier. Ons is dankbaar dat ons kan terugkyk na die afgelope vyf
jaar en sekere hoogtepunte en mylpale kan uitlig. Ek moet daarom
dankie sê vir u, ons personeel se toewyding en bydrae tot die suksesse
behaal. Sommige van ons takke en hul personeel het die verjaarsdag met
oorgawe en trots gevier - dankie aan elkeen wat dit spesiaal gemaak het
vir ons klante en personeel.
Dit is egter ook die ideale tyd om ons besigheid opnuut onder ‘n ver-
grootglas te plaas, deur die vorige jare deeglik te analiseer en te evalueer
ten einde ons besigheid te herposisioneer vir volhoubare groei en toene-
mende waardetoevoeging tot ons klante, aandeelhouers en personeel.
Ek is seker dat u, soos ek, ook al een of ander fliek meer as een keer
gekyk en ook gesien het dat die einde elke keer dieselfde is as die vorige
keer. Wat wil ek hiermee sê? Dit het geen waarde om dieselfde beplan-
ning, aksies en fokus op ons besigheid te plaas en dan te verwag dat
die uitkoms gaan verander of verbeter nie. Wat nodig is, is dat ons moet
terugkyk om vas te stel wat in die vyf jaar gewerk het en wat nie, asook
wat gebeur en wat nie moes gebeur het nie.
Juis om dié rede het ons, soos u bewus is, aan die begin van die jaar ons
besigheid tot stilstand gebring en nuwe strukture in plek gestel met her-
nude fokus daarop om ons besigheid op koers te kry. Besluite is in belang
van ons besigheid geneem en sal steeds geneem word om ons volhou-
baarheid as ‘n besigheid te verseker.
Ek besef dat die veranderinge ongemak en onsekerheid veroorsaak het
en dit is verstaanbaar, maar ek versoek weereens dat die veranderinge
deur u elkeen ondersteun word en dat u die veranderinge met 'n posi-
tiewe gesindheid sal benader sodat u ook deel kan wees van Hinterland
se uiteindelike suksesstorie.
Ek wil afsluit deur u aan te moedig om deurlopend gefokus te bly op dit
wat werklik saak maak, om elke situasie deeglik te ondersoek en dan te
benader met ‘n oplossing in gedagte en dat u nie die uitdagings groter
sal maak as wat dit werklik is nie.
Sterkte en voorspoed met u taak en die nuwe uitdagings.
Hinterland groete.
Daan
Matt 5:13
Vat jou
uitdagings
vas!!
Uitdagings is deel van die lewe en hoe ons daaroor
dink, bepaal hoe ons daarop gaan reageer. Ons kan
uitstyg bo die uitdagings wat ons beleef. Dis juis in die
“challenging” situasies waar dit voel of jy ‘n doodloop-
straat bereik het, dat jy moet kies om bo jou omstan-
dighede uit te styg! As jy ‘n punt bereik waar jy nie
jou omstandighede kan verander nie, is die uitdaging
om jouself te verander! Soms moet ons eers op die
punt kom waar dit voel asof alles om ons in duie stort,
voordat ons besef die oplossing lê eintlik in myself! Dis
ek wat moet verander!
Alles begin by jou ingesteldheid. Jy moet jouself
inoefen om in alle omstandighede positief te bly! As jy
met ‘n positiewe ingesteldheid leef, beteken dit nie jy
is blind vir die lewe se uitdagings of dat jy moet maak
of jy dit nie raaksien en ignoreer nie. Néé, jy leer jouself
om juis in die lewenstorms, as jy nie weet waarnatoe
nou nie, jouself met die vraag te konfronteer: Moet ek
nie dalk verander, sodat my omstandighede kan
verander nie?
Maar hoe leef jy met 'n positiewe ingesteldheid?
Dink mooi, op dié oomblik is jy nie eers daarvan bewus
dat jou hart elke sekonde klop om sy werk te doen nie.
Maar as jy ‘n hartkwaal gehad het en jou hart moes
sukkel om sy werk met reëlmaat te doen, sou jy elke
oomblik van jou hart bewus gewees het en besef het
hoe nodig jy ‘n gesonde hart het om effektief te kan
funksioneer. Net so moet jy deurlopend bewus wees
van hoe nodig jy ‘n positiewe ingesteldheid het om al
die negatiewe aanslae wat die lewe en ander rolspelers
op jou lewenspad plaas, te hanteer en om dit sinvol
te verwerk! Ons as gelowiges het ‘n vaste Anker,‘n
Hoop waaraan ons kan vashou, Jesus! Daar is ook
baie beloftes in die Bybel waarop ons kan staan wat
ons gemoedsrus gee en dit is goed, maar dit maak ons
soms blind vir die feit dat die oplossing vir ‘n probleem
dalk by myself moet begin. Dit vra dalk net ‘n veran-
dering in my eie gedrag, in my manier van dink en hoe
ek uiteindelik daarop gaan reageer. Kom ons volg die
Spreuke skrywer se raad in Spreuke 4:23 - "Wees
veral versigtig met wat in jou hart omgaan, want
dit bepaal jou hele lewe."
REDAKSIE: REDAKTEUR: Marlon Abrahams Tel: 018 464 7349 | [email protected] ONTWERP EN UITLEG: Pieter Swanepoel | [email protected]
2
Herontdek dÍt wat saakmaak