ALGEMEEN
Boodskap
van die BD
Mede-Hinterlander,
Matt 5:13
H
iermee wens ek elke Hinterlander ñ voorspoedige 2019 toe. My
wens vir elkeen van julle is dat die jaar jul persoonlike verwag-
tinge in alle opsigte sal oortref!
Ek vertrou dat die meeste van ons gedurende die afgelope Kerstyd ook
kwaliteittyd saam met ons geliefdes, familie en vriende kon spandeer
en die geboorte van Jesus ons Verlosser, ook op 'n gepaste wyse gevier
het. Ek hoop dat elkeen se spreekwoordelike batterye gelaai is sodat julle
2019 met hernude energie en fokus kan aanpak, en daardeur sal voort-
bou op die suksesse wat ons sover behaal het.
Die nuwe jaar het, soos verwag, nie sonder uitdagings aangebreek nie en
ek glo nie daar is iemand wat nie hierdie nuwe jaar op ñ drafstap begin
het nie. Met dié dat die reën eers laat in Desember in groot dele van ons
westelike bedieningsgebied geval het, het aanplantingsaktiwiteite ook
eers laat in Desember afgeskop. Mielieaanplantings is as gevolg van die
laat reën selfs tot die middel van Januarie gedoen. Hierdie laat aanplant-
ings het ñ wesenlike effek op ons Desember finansiële resultaat gehad,
veral op die insetkommoditeite.
Met dié gebeure in gedagte, is dit belangrik dat alle uitgawes, ongeag die
omvang daarvan, krities geëvalueer en oorweeg moet word, voordat dit
aangegaan word. Dit is uiters belangrik dat ons ook tydens alle klante-in-
teraksie seker sal maak dat dit vir die klant ñ aangename en positiewe
ervaring is. Ons elkeen moet die daarstel van oplossings as ñ persoonlike
missie sien en daarop ingestel wees om die uitdagings wat opduik, uit
te presteer. Verder is dit belangrik dat ons positiwiteit moet behou en
aanhou om ñ boodskap van hoop uit te dra. Kom ons bly gefokus op dit
wat waarde toevoeg en dit wat werklik saak maak. Laaste, maar beslis
nie die minste nie, is dat ons moet aanhou om dit wat ons doen, met
volle oorgawe te doen, toegewy aan en in afhanklikheid van ons Skepper,
in die wete dat alles wat ons het en alles wat ons ontvang alleen uit Sy
genade is.
Sterkte aan elkeen vir die taak op hande, en onthou om nie hoop te
verloor nie.
Hinterland groete
Daan
Vat jou
uitdagings
vas!!
Is jou lewe oorvloedig?
Andersom gestel: Lewe jy, of bestaan jy? Dink bietjie:
hoe was jou gisters en wat is jou verwagtinge vir 2019
se môres? As jy ‘n gelowige is vir wie God se Woord
belangrik is, is jy goed bekend met Johannes 10:10 waar
Jesus sê: “…..Ek het gekom sodat hulle die lewe kan
hê, en dit in oorvloed.
Mag ek jou vra of jy dit werklik beleef, ‘n oorvloedige
lewe? Miskien is ons verstaan van Jesus se woorde ver-
keerd, miskien lees ons: ‘n lewe met oorvloed en nie in
oorvloed nie?
As jy daarop roem dat Jesus jou Verlosser is, moet Hy die
slagaar van jou lewe wees, want dan lééf jy in en deur en
vanuit Hom, en Hom alleen! Niks anders as God se wil
rig dan jou lewe nie! Dan getuig jy saam met Paulus in
Filippense 3: “dat dit wat eers vir jou ‘n bate was,
nou waardeloos geword het”, omdat jy in God, jou
alles gevind het. Dan kry Jesus se belofte van ‘n lewe in
oorvloed ‘n heel nuwe betekenis!
Kom ons strewe in 2019 na Jesus se lewe-in-oorvloed,
maar hoe lyk so ‘n lewe?
• As jy vrede gemaak het met jou verlede, gefokus is op
dié oomblik en optimisties bly oor die toekoms - toon jy
tekens van ’n oorvloedige lewe.
• As jy besef dat sukses en besittings nie bepaal wie jy is
nie, en mislukking en gebrek ook nie – toon jy tekens
van ’n oorvloedige lewe.
• As jy gevul is met geloof, hoop en liefde, en nie met
woede, skuldgevoelens en wraakgedagtes leef nie –
toon jy tekens van ’n oorvloedige lewe.
• As jy geleer het dat om te gee beter is as om te ontvang
– toon jy ook tekens van ’n oorvloedige lewe. Dis juis
die goed wat jy weggee wat jou ryk maak.
• As jy hoop gee vir wanhopiges, omgee vir verstotenes,
hartseer voel saam met die wat treur en bly is saam met
die wat bly is – toon jy tekens van ’n oorvloedige lewe.
• As jy sonder bitterheid kan terugkyk na jou gisters en
vorentoe kyk met hoop, afkyk in nederigheid en opkyk
met dankbaarheid – toon jy tekens van ’n oorvloedige
lewe.
• As jy uit jou hart uit kan sê: Om Christus te ken oor-
tref alles in waarde – dan hét jy lewe in oorvloed.
Mag jy in 2019 ‘n lewe in oorvloed belééf!
REDAKSIE: REDAKTEUR: Marlon Abrahams Tel: 018 464 7349 | [email protected] ONTWERP EN UITLEG: Pieter Swanepoel | [email protected]
2
Herontdek dÍt wat saakmaak